Ekki réttur til endurgreiðslu

Eigir þú ríkisfang innan EES svæðis er óheimilt að endurgreiða þér iðgjöld við brottflutning frá Íslandi.

Sem sjóðfélagi í A-deild getur þú hafið töku ellilífeyris hvenær sem er á aldrinum frá 60 til 70 ára. Hefjir þú töku lífeyris við 65 ára aldur, færðu greiðslur í samræmi við áunnin stig. Ef þú frestar töku lífeyris eftir að 65 ára aldri er náð hækkar upphæð ellilífeyris vegna réttinda, sem áunnin voru fram til 65 ára aldurs, um 0,75% fyrir hvern mánuð sem lífeyristöku er frestað. Ef þú hinsvegar hefur töku lífeyris fyrir 65 ára aldur lækkar áunninn lífeyrisréttur um 0,5% fyrir hvern mánuð sem vantar á að 65 ára aldri sé náð.

Jafnframt er vakin athygli á því að þú kannt að eiga rétt á örorkulífeyri verðir þú fyrir starfsorkuskerðingu vegna sjúkdóma eða slysa. Við fráfall sjóðfélaga myndast lífeyrisréttur til maka og barna.

• Þegar kemur að töku lífeyris þarf að sækja um greiðslur á sérstökum eyðublöðum sem nálgast má hér á heimasíðu LSR.
• Þú þarf að hafa íslenskan bankareikning.
• Lífeyrir er greiddur út 1. dag hvers mánaðar. Tekjuskattur reiknast af lífeyrisgreiðslum og má sjá nánari upplýsingar um skattlagningu hér.
• Ef heildarréttindi þín eru undir einu stigi er lífeyrir greiddur út sem eingreiðsla.