Skipting ellilífeyrisréttinda milli hjóna
Skiptingin getur varðað ellilífeyrisréttindi í nútíð, fortíð og framtíð.
Skipting ellilífeyrisréttinda tekur til þeirra sem eru eða hafa verið í hjúskap, óvígðri sambúð eða staðfestri samvist.
Skiptingin skal vera gagnkvæm, þ.e. hvort hjóna eða sambúðarfólks skal veita hinu sama hlutfall réttinda sinna. Þess vegna þurfa báðir aðilar að skipta réttindum sínum. Heimilt er að framselja til makans allt að helmingi réttindanna.
Skiptingin skal aðeins taka til áunninna réttinda meðan hjúskapur, óvígð sambúð eða staðfest samvist hefur staðið eða mun standa.
Skipting ellilífeyrisréttindanna getur verið með eftirfarandi hætti:
- heimilt er að skipta samtímagreiðslu ellilífeyris, þ.e. þeim greiðslum sem nú fara fram
- hægt er að skipta áunnum ellilífeyrisréttindum
- hægt er að skipta þeim ellilífeyrisréttindum sem munu ávinnast eftir að samkomulag um skiptinguna hefur verið gert.
Skiptingin getur því varðað ellilífeyrisréttindi í nútíð, fortíð og framtíð.
Framkvæmd skiptingar
Landssamtök lífeyrissjóða sjá um afgreiðslu samninga um skiptinguna. Hægt er að nálgast eyðublöð og nánari upplýsingar hjá Landssamtökunum eða í afgreiðslu LSR.
Bæklingur Landssamtaka lífeyrissjóða um skiptingu ellilífeyrisréttinda