Erlendir ríkisborgarar
Endurgreiðsla iðgjalda til erlendra ríkisborgara
Erlendir ríkisborgarar sem flytjast af landi brott eiga þess kost að fá endurgreidd iðgjöld sem þeir hafa greitt í íslenskan lífeyrissjóð. Þetta á við um þig nema þú eigir ríkisfang í einhverju aðildarlanda innan EES svæðisins, sem eru:
- EFTA-löndin: Ísland, Lichtenstein og Noregur auk Sviss (ekki aðili að EES).
- ESB-löndin frá og með janúar 2007: Austurríki – Belgía – Bretland – Búlgaría – Danmörk – Eistland – Finnland – Frakkland – Grikkland – Holland – Ítalía – Írland - Kýpur (gríski hlutinn) – Lúxemborg – Lettland – Litháen – Malta – Portúgal – Pólland – Rúmenía – Slóvakía – Slóvenía – Spánn – Svíþjóð – Tékkland – Ungverjaland – Þýskaland.
Hafir þú átt ríkisfang innan EES svæðisins meðan greiðslur fóru fram eða verið með tvöfalt ríkisfang, annað innan EES svæðisins, áttu ekki rétt á endurgreiðslu iðgjalda.
Með umsókn um endurgreiðslu skal fylgja:
- staðfesting launagreiðanda á starfslokum
- afrit af vegabréfi
- afrit eða staðfesting á farseðli
- upplýsingar um reikningsnúmer í íslenskum banka.
Skattalegri meðhöndlun skal háttað samkvæmt þeim reglum sem gilda um greiðslu lífeyris þegar endurgreiðsla á sér stað.
Tekið skal fram að hvert mál er metið og því oft nauðsynlegt að afla staðfestingar frá viðkomandi landi um varanlega búsetu áður en endurgreiðsla er framkvæmd.