Spurt og svarað

Hvernig sæki ég um lán?

Þú fyllir út umsókn á eyðublaði sem þú færð hjá sjóðnum eða prentar út af þessari síðu (eyðublöð) og sendir hana til sjóðsins ásamt eftirtöldum gögnum:

·        Veðbókarvottorð sem sjóðurinn getur útvegað í flestum tilvikum gegn vægu gjaldi sé þess óskað.

·        Síðustu kvittanir áhvílandi lána.

·        Fyllir út greiðsluáætlun sem þú færð hjá sjóðnum eða prentar út af þessari síðu. Í einhverjum tilvikum er óskað eftir greiðslumati frá banka.

·        Verðmat löggilts fasteignasala ef miða á veðsetningu við það. Ef fasteignamat er notað, sér sjóðurinn um að útvega matið.

Hvar næ ég í veðbókarvottorð?

Lífeyrissjóðurinn hefur netaðgang að veðbókarvottorðum vegna flestra eigna á landinu. Bankar, fasteignasölur og fleiri hafa sama aðgang auk þess sem öll sýslumannsembætti gefa út vottorð. Útprentun hjá sjóðnum kostar 1.120 krónur.

Hvar fæ ég fasteignamat?

T.d. hjá sjóðnum, bönkum o.fl. en einnig eru matstölur á fasteignaseðlum sem sendir eru út árlega til hvers fasteignareiganda.

Hversu hátt lán get ég fengið?

Hámark ræðst af veðhæfi fasteignar. Gerðar eru ríkari kröfur til trygginga og greiðslugetu ef lán er umfram 10 milljónir en þá er krafist greiðslumats. Greiðslumat er gert hjá sjóðnum, lántakanda að kostnaðarlausu en einnig er hægt að fá greiðslumat hjá bönkum.

Hvar fæ ég greiðslumat?

Hægt er að sækja um greiðslumat hjá LSR, lántakanda að kostnaðarlausu. Einnig er hægt að fá greiðslumat hjá bönkum.

Ég er með gamalt lán hjá ykkur. Á ég rétt á að taka annað nýtt lán hjá sjóðnum?

Já, ef greiðslugeta og fullnægjandi veð er fyrir hendi.

Hvaða kröfur gerið þið um veð?

Lánað er gegn veði í íbúðarhúsnæði, 65% af fasteignamati eða 65% af verðmati. Lán má þó aldrei fara yfir samtölu brunamótamats og lóðarmats. Nánari ákvæði eru í lánareglum.

Hver er lánstíminn og vextir nú?

Lánstími er 5 til 40 ár. Breytilegir vextir eru 3,95%. Fastir vextir eru 4,40%. Lánin eru verðtryggð m.v. neysluverðsvísitölu.

Á ég rétt ef annar hefur tekið við láni sem ég tók?

Já.

Hvað er langur afgreiðslutími lána?

Að jafnaði allt að hálfur mánuður.

Hvaða gögn þurfið þið að fá?

Lánsumsókn og síðustu kvittanir áhvílandi lána. Einnig þarf veðbókarvottorð, fasteignamat (eða verðmat) en það fæst útprentað hjá lífeyrissjóðnum sé þess óskað. Ef heildarlán hjá sjóðnum fara yfir 10 milljónir, þá þarf að sækja um greiðslumat og koma með launaseðla síðustu þriggja mánaða, staðfesta skattaskýrslu og yfirlit yfir allar skuldir lántakenda.

Ég er lífeyrisþegi. Á ég rétt á láni?

Já

Er hægt að greiða lán upp?

Já. Lán má greiða upp hvenær sem er án nokkurs kostnaðar.

Er hægt að greiða inn á höfuðstólinn?

Já. Greiða má inn á höfuðstólinn hvenær sem er án nokkurs kostnaðar.

Skilyrt veðleyfi - Er hægt að taka lán hjá öðrum lánastofnunum og fara fram fyrir LSR í veðröð?

Já, með því skilyrði að nýja lánið sé ekki hærra en nemur uppgreiðsluverðmæti þeirra lána sem eru fyrir framan LSR í veðröðinni, að viðbættum lántökukostnaði vegna nýja lánsins og að lánastofnunin skuldbindi sig til að ábyrgjast uppgreiðslur þeirra lána sem eru fyrir framan LSR lánið í veðröðinni. LSR útbýr skilyrta veðleyfið að fengnu afriti af nýja skuldabréfinu.

Ég hef aldrei greitt í sjóðinn en er með LSR-lán á eigninni minni. Á ég þá rétt á láni hjá sjóðnum?

Já, ef veðhæfni eignarinnar er nægjanleg, þá getur eigandi eignarinnar fengið lán hjá sjóðnum.