Séreign LSR

Í Séreign LSR er framlag sjóðfélaga 1% - 2% af heildarlaunum og mótframlag launagreiðanda samkvæmt kjarasamningi. Alltaf skal koma fram á skilagrein fyrir hvaða tímabil verið er að greiða. Skila ber iðgjöldum til sjóðsins fyrir 10. dag hvers mánaðar og eigi síðar en síðasta dag hvers mánaðar ellegar reiknast dráttarvextir.

Frá og með 1.1.2012 lækkar frádráttarbært iðgjald launþega í séreignarlífeyrissparnað úr 4% í 2% af heildarlaunum. Launþegar þurfa ekki að breyta núgildandi samningum um séreignarsparnað heldur ber launagreiðendum að tryggja að iðgjaldið lækki niður í 2%.

Að óbreyttu þá verður heimild til frádráttar iðgjalda í séreignarlífeyrissparnað frá tekjuskattsstofni hækkuð á ný í 4% frá og með árinu 2015. Sjá tilkynningu frá Landssamtökum Lífeyrissjóða.

Sérstaða B-deildar og LH

Ákvæði laga um frestun skattlagningar fela það í sér að draga má greidd lífeyrisiðgjöld sem nema allt að 6% af heildarlaunum frá skattstofni. Sjóðfélagar í B-deild LSR og Lífeyrissjóði hjúkrunarfræðinga gefst þannig tækifæri til þess að auka verulega lífeyrissparnað sinn með því að greiða allt að 6% af yfirvinnulaunum í séreignarsjóð auk 2% af dagvinnulaunum, því flestir greiða einungis hin lögbundnu 4% af dagvinnulaunum til lífeyrissparnaðar í samtryggingarsjóð.