VIRK - starfsendurhæfingarsjóður

Frá og með 1. september 2011 ber öllum launagreiðendum að greiða 0,13% af heildarlaunum allra starfsmanna sinna í VIRK – Starfsendurhæfingarsjóð, sbr. lög nr. 73/2011. Launagreiðendum ber að standa skil á iðgjaldinu til viðkomandi lífeyrissjóðs með sama hætti og gildir um lífeyrisiðgjald. Lífeyrissjóðirnir munu síðan skila gjaldinu í VIRK – Starfsendurhæfingarsjóð.

Skv. lögum um VIRK - Starfsendurhæfingarsjóð falla skil á gjaldinu að reglum hvers lífeyrissjóðs fyrir sig.

Iðgjaldinu, 0,13% af heildarlaunum þeirra starfsmanna sem nú greiða til LSR, skal skilað

• á sömu skilagrein og á sama hátt og lífeyrisiðgjöldum,
• eigi síðar en 14 dögum eftir útborgun launa og gildir einu hvort um fyrirfram- eða eftirágreidd laun er að ræða. Ef ekki er greitt innan tilgreinds gjaldfrests reiknast dráttarvextir.