Sjóðir
Almennt
Lífeyrissjóður starfsmanna ríkisins samanstendur af B-deild – sem er eldra réttindakerfi sjóðsins og A-deild sem stofnuð var í ársbyrjun 1997 og tekur á móti nýjum sjóðfélögum að uppfylltum aðildarskilyrðum. B-deildinni var lokað fyrir nýjum sjóðfélögum á sama tíma og A-deildin tók til starfa.
Lífeyrissjóður hjúkrunarfræðinga (LH) er lífeyrissjóður fyrir starfandi hjúkrunarfræðinga og var lokað eins og B-deildinni fyrir nýjum sjóðfélögum í árslok 1996.
Séreign LSR hefur verið starfrækt frá ársbyrjun 1999 og tekur hún við og ávaxtar viðbótarlífeyrissparnað sjóðfélaga.