Hvað mikið?
1,9% af meðallaunum hvers árs
Réttindi þín reiknast út frá greiddum iðgjöldum. Eftir því sem iðgjöld eru hærri, því meiri verða réttindin. Þegar þú greiðir í A-deild öðlastu rétt til ellilífeyris sem nemur 1,9% af meðallaunum hvers árs.
Áætla má fjárhæð ellilífeyris með eftirfarandi þumalputtareglu:
1,9% * árafjöldi *meðallaun
Með hverri greiðslu iðgjalda til A-deildar safnar þú stigum og ávinnur þér rétt til lífeyris. Sjá nánari upplýsingar um stigaávinnslu hér.
Bæði áunnin stigaréttindi og ellilífeyrir úr A-deild fylgja breytingum á grundvallarfjárhæð A-deildar sem breytist mánaðarlega í takt við vísitölu neysluverðs. Á þann hátt eru lífeyrisréttindi í A-deild verðtryggð.
Við töku ellilífeyris eru áunnin stig lögð saman. Fundið er réttindahlutfall með því að margfalda samanlögð stig með 1,9%. Útkoman ræður útreikningi lífeyris þar sem réttindahlutfallið er margfaldað í grundvallarfjárhæðina á hverjum tíma. Samtals stig * grundvallarfjárhæð * 1,9% = Ellilífeyrir
Grundvallarfjárhæðin er kr. 110.171 í apríl 2012
Dæmi:
10 stig * 110.171* 1,9% = 20.932 kr. á mánuði.