Maka- og barnalífeyrir
Trygging við fráfall sjóðfélaga
Etirlifandi maki á rétt á makalífeyri í 5 ár. Börn virkra sjóðfélaga eiga rétt á barnalífeyri til 22 ára aldurs.
Makalífeyrir
- Eftirlifandi maki eða sambúðaraðili sjóðfélaga á rétt á makalífeyri úr A-deild.
- Fjárhæð fer eftir áunnum réttindum sjóðfélaga og fær makinn helming af þeim rétti.
- Maki kann jafnframt að eiga rétt á framreikningi. Þá er reiknað með þeim réttindum sem sjóðfélagi hefði áunnið sér ef hann hefði greitt iðgjald til 65 ára aldurs.
- Fullur makalífeyrir er greiddur í þrjú ár og hálfur makalífeyrir í tvö ár til viðbótar.
- Hafi eftirlifandi maki börn sín og hins látna á framfæri er makalífeyrir greiddur þar til yngsta barnið nær 22 ára aldri. Skilyrðin fyrir því eru að hinn látni sjóðfélagi hafi verið virkur greiðandi í sjóðinn við andlát eða verið lífeyrisþegi.
Barnalífeyrir
- Börn virkra sjóðfélaga eiga rétt til barnalífeyris falli sjóðfélagi frá eða fái greiddan elli- eða örorkulífeyri.
- Barnalífeyrir úr A-deild sjóðsins er greiddur til 22 ára aldurs.
- Miðað er við að sjóðfélagi hafi greitt iðgjald í sjóðinn í a.m.k. sex mánuði af undanfarandi tólf mánuðum fyrir andlát eða orkutap, eða að hann hafi notið örorkulífeyris úr sjóðnum í þennan tíma.
- Barnalífeyrir greiðist framfæranda barnsins til 18 ára aldurs, en eftir það til barnsins.