Fjárhæð lífeyris
Hvað fæ ég greitt í lífeyri?
Lífeyrir er almennt reiknaður sem hlutfall af dagvinnulaunum þínum við starfslok.
Við upphaf lífeyristöku reiknast lífeyrir sem hlutfall af dagvinnulaunum fyrir lokastarf eða eftir atvikum af launum vegna 10 ára í hærra launuðu starfi. Ávallt er tekið mið af 100% dagvinnulaunum og hefur því starfshlutfall við starfslok ekki áhrif á viðmiðunarlaunin.
Þrjú frávik eru frá þeirri meginreglu um dagvinnulaun við starfslok og er 10 ára reglan sú algengust.
Sjóðfélagi sem hefur greitt iðgjald vegna vaktaálags á rétt til viðbótarlífeyris. Lífeyrir er einnig greiddur af persónuuppbót og orlofsuppbót.
Eftir að lífeyristaka er hafin breytast lífeyrisgreiðslur skv. meðaltalsreglu eða eftirmannsreglu.
Þrjú frávik frá meginreglu um dagvinnulaun við starfslok
- Ef þú hefur í meira en 10 ár gegnt öðru starfi eða störfum sem eru betur launuð en lokastarfið þá reiknast lífeyrir af þeim launum.
-
Ef þú hefur frestað lífeyristöku og farið úr hærra launuðu starfi í lægra launað starf þá áttu rétt á lífeyri af launum fyrir það starf sem er betur launað.
-
Ef þú hefur af heilsufarsástæðum farið úr hærra launuðu starfi í lægra launað starf þá tapast ekki réttur til lífeyris af betur launaða starf.
Verðtrygging lífeyris - meðaltalsregla eða eftirmannsregla
- Almenna reglan í B-deild LSR er að lífeyrir taki sömu breytingum og verða að meðaltali á dagvinnulaunum opinbera starfsmanna (meðaltalsregla).
- Hagstofa Íslands reiknar þessa vísitölu mánaðarlega og er horft til breytinga hjá öllum opinberum starfsmönnum hjá ríki og sveitarfélögum.
- Þeir sjóðfélagar sem hefja töku lífeyris í beinu framhaldi af starfi eiga kost á því að velja á milli meðaltalsreglu eða eftirmannsreglu.
- Sjá nánari upplýsingar um verðtryggingu lífeyris og val á reglu.