LSR og LH hafa gert samkomulag við Seðlabanka Íslands um að festa kaup á hluta af þeim Íbúðabréfum sem bankinn bauð til kaups í lokuðu útboði til lífeyrissjóða. Um er að ræða verðtryggð skuldabréf með ábyrgð ríkissjóðs. Bréfin eru keypt með 7,2% ávöxtunarkröfu sem eru mun betri kjör en fást á almennum markaði í dag. Af hálfu Seðlabankans er það skilyrði að lífeyrissjóðirnir greiði fyrir bréfin með evrum.

Að mati stjórnenda LSR og LH er hér um hagstæð kaup að ræða og eðlilegt að innleysa hluta af erlendum eignum lífeyrissjóðanna til að greiða fyrir skuldabréfin.

Nánari upplýsingar má finna hér

Árleg útsending yfirlita stendur yfir í þessari viku. Allir greiðandi sjóðfélagar fá sent yfirlit í pósti með upplýsingum um iðgjaldagreiðslur ársins 2009. Mjög mikilvægt er að bera saman yfirlitið og launaseðla frá launagreiðanda. Vanti innborganir þá skal hafa samband við launagreiðanda eða LSR.

Nú gefst sjóðfélögum kostur á að afþakka yfirlit á pappír og sækja upplýsingar um iðgjaldagreiðslur og réttindi með rafrænum hætti á sjóðfélagavef LSR.

Með yfirlitum fylgir Fréttabréf LSR og upplýsingar um starfsemi sjóðanna á árinu 2009.

LSR vill vekja athygli á kynningarfundi fyrir sjóðfélaga þann 27. maí nk. Nánari upplýsingar um fundinn er hægt að sjá hér, en nauðsynlegt er að skrá þátttöku með því að hringja í síma 510-6100 eða senda tölvupóst á netfangið lsr@lsr.is.

Í fréttum RÚV í gær, sunnudaginn 16. maí, var fjallað um lífeyrisskuldbindingar sem hvíla á lífeyrissjóðum opinberra starfsmanna. Rætt var við þingmann sem sagði skuldbindingarnar vera eins og tvöföld Icesave skuldin. Nauðsynlegt er að gera nokkrar athugasemdir við það sem þar kom fram og skýra annað.