Fjárfestingarleiðir
Sjóðfélagar í Séreign LSR geta valið milli leiðar I, leiðar II, leiðar III og Sér-leiðar þar sem fjárfestingarstefna breytist sjálfkrafa eftir aldri sjóðfélaga.
Fjárfestingarleiðir Séreign LSR
| Hlutabréf |
Skuldabréf | Sjóðir um sameiginlega fjárfestingu |
Innlán | Sveiflur í ávöxtun |
Aldur í Sér-leið |
|
|---|---|---|---|---|---|---|
| Leið I |
40% | 50% | 5% | 5% | Miklar sveiflur |
54 ára og yngri |
| Leið II | 25% | 65% | 5% | 5% | Litlar sveiflur |
54 ára og yngri |
| Leið III | 0% | 0% | 0% | 100% | Lágmarkssveiflur | 55 ára og eldri |
Velji sjóðfélagi eina af leiðunum þremur helst sú fjárfestingarleið óbreytt en í Sér-leið færist inneign sjálfkrafa milli leiða eftir aldri og áhættuvali. Hægt er að skipta um fjárfestingarleið hvenær sem er á sparnaðartímanum án aukakostnaðar. Einnig er unnt að nýta sér fleiri en eina fjárfestingarleið og dreifa áhættunni kjósi rétthafar svo. Við mælum með Sér-leið sem er þægilegur kostur í séreignarsparnaði.
Við val á fjárfestingarleið er skynsamlegt að taka mið af aldri og viðhorfi til áhættu. Almenna reglan er sú að eftir því sem sjóðfélagi er yngri því meira er áhættuþol hans, hann hefur lengri tíma til að ávaxta sparnað sinn og þolir því frekar sveiflur sem fylgja hlutabréfaverði. Jafnan er það svo að fjárfestingar í skuldabréfum eru áhættuminni en fjárfestingar í hlutabréfum. Sögulega séð hafa hlutabréf gefið af sér hærri ávöxtun en skuldabréf en áhætta og sveiflur eru jafnframt meiri. Ávallt ber að hafa í huga að lífeyrissparnaður er langtímafjárfesting.
Viljir þú skipta um fjárfestingarleið, smelltu þá hér. Flutningur milli leiða er sjóðfélögum að kostnaðarlausu.
Við val á fjárfestingarleið er almenna reglan sú að eftir því sem sjóðfélagi er yngri, því meira er áhættuþol hans; hann hefur lengri tíma til að ávaxta sparnað sinn og þolir því frekar sveiflur sem fylgja hlutabréfaverði.