Samningur við Séreign LSR
Það borgar sig að gera samning
Mótframlag launagreiðanda, ásamt skattfrestun við innborgun, gerir það að verkum að enginn annar sparnaður stenst samanburð við séreignarlífeyrissparnað.
Rétt til aðildar að Séreign LSR hafa þeir sem greiða eða hafa greitt iðgjald til einhvers eftirtalinna sjóða:
- A-deild LSR
- B-deild LSR
- Lífeyrissjóðs hjúkrunarfræðinga
- Lífeyrissjóðs alþingismanna
- Lífeyrissjóðs ráðherra
Sama gildir um þá sem einhvern tíma hafa greitt í ofangreinda sjóði og alla þá sem átt gætu rétt til aðildar skv. 3. gr. laga um LSR svo sem félagsmenn aðildarfélaga BSRB, BHM og KÍ. Reglurnar eru býsna rúmar og geta tekið til allra á launakjörum opinberra starfsmanna sem og starfsmanna ýmissa sjálfseignarstofnana, sveitarfélaga, menningar- og uppeldisstofnana. Rétt er að leita upplýsinga hjá starfsmönnum sjóðsins ef vafi leikur á rétti til aðildar að séreignardeildinni.
Til þess að fá hámarksmótframlag frá launagreiðanda borgar sig að gera samning strax, framkvæmdin er einföld:
Þú prentar út samninginn „Samningur um séreignarsparnað“, fyllir út samningseyðublaðið, skrifar undir og sendir á eftirfarandi heimilsfang:
LSR - Séreign
Bankastræti 7
101 Reykjavík
Þú getur einnig sent beiðni til okkar um að senda þér samning í pósti á netfangið sereign@lsr.is