Sérstaða B-deildar og LH
Sjóðfélögum í B-deild LSR og LH gefst tækifæri til þess að auka verulega lífeyrissparnað sinn með því að greiða aukalega af yfirvinnulaunum í séreignarsjóð.
Heimilt er að draga lífeyrisiðgjöld, sem nema allt að 6% af heildarlaunum, frá skattstofni. Sjóðfélögum í B-deild LSR og LH gefst þannig tækifæri til þess að auka verulega lífeyrissparnað með því að greiða allt að 6% af yfirvinnulaunum í séreignarsjóð auk 2% af dagvinnulaunum, því flestir greiða einungis hin lögbundnu 4% af dagvinnulaunum í samtryggingarsjóð.
Dæmi: Sá, sem hefur 250.000 kr. í dagvinnulaun en 300.000 kr í heildarlaun og greiðir nú 10.000 kr. skylduiðgjald af dagvinnulaunum í lífeyrissjóð, mætti greiða til viðbótar 2% af dagvinnulaunum eða 5.000 kr. iðgjald í viðbótarlífeyrissparnað. Að auki má bæta við viðbótarlífeyrisiðgjaldið 6% af yfirvinnulaunum eða 3.000 kr. Í þessu dæmi eykst sparnaður með skattfríðindum um kr. 8.000 á mánuði og verður að viðbættu mótframlagi launagreiðanda samtals 14.000 kr.