Stjórn LSR er skipuð 8 stjórnarmönnum. Fjármála- og efnahagsráðherra skipar fjóra, stjórn BSRB skipar tvo, stjórn BHM skipar einn og stjórn Kennarasambands Íslands skipar einn stjórnarmann. Alls kom stjórnin 23 sinnum saman til formlegra fundarhalda á liðnu ári.

Á árinu 2024 var Guðrún Ögmundsdóttir formaður stjórnar og Magnús Þór Jónsson varaformaður. Í ársbyrjun 2025 var Magnús hins vegar kjörinn formaður stjórnar og tók Jökull Heiðdal Úlfsson við embætti varaformanns.

Stjórn sjóðsins er kjörin til þriggja ára í senn. Núverandi stjórn var kjörin í ársbyrjun 2024 og mun hún starfa til ársloka 2026. Stjórn LSR ber ábyrgð á að starfsemi sjóðsins sé í samræmi við gildandi lög og reglur. Eitt af verkefnum stjórnar er að móta innra eftirlit lífeyrissjóðsins og skjalfesta eftirlitsferla.

Endurskoðun ársreikninga LSR er í höndum Grant Thornton endurskoðunar en KPMG sér um innri endurskoðun sjóðsins.