Gott að hafa í huga fyrir lántöku

Áður en lán er tekið er lánsumsækjendum bent á að skoða væntanlega greiðslubyrði lána miðað við mismunandi lengd lána, tegund þeirra (afborgunarlán/jafngreiðslulán), mismunandi vexti og verðbólguvæntingar. Gott er að setja upp mismunandi forsendur í lánareiknivél LSR.

Hér að neðan er að finna nokkur atriði sem er gott að hafa í huga fyrir lántöku. Athugið að ekki er um tæmandi upptalningu að ræða.

• Er nauðsynlegt fyrir mig að taka lánið?
  
• Til hvers ætla ég að nýta lánið?
  
• Hvenær ætla ég mér að vera hætt/ur greiðslu lánsins?
  
• Hver er greiðslubyrði lánsins?
  
• Get ég staðið við áætlaðar afborganir lánsins?
  
• Hversu hátt hlutfall af ráðstöfunartekjum mínum fer í greiðslu lána?
  
• Hver er kostnaður við lántöku?
  
• Hvort henta mér betur fastir eða breytilegir vextir?
  
• Hvort henta mér betur jafnar afborganir af höfuðstól (afborgunarlán) eða jafnar greiðslur (jafngreiðslulán/annuitetslán)?
  
• Er hægt að greiða lánið upp fyrr án kostnaðar?
  
• Hvaða áhrif hefur verðbólga á endurgreiðslu lánsins?
  
• Get ég staðið við afborganir þó að verðbólga fari hækkandi?
  
• Get ég staðið við afborganir vegna annarra atvika, t.d. að laun mín lækki?
  
• Hvernig hefur verðbólga þróast?
  
• Hvernig hafa breytilegir vextir þróast?
  
• Hvað gerist ef lánið fer í vanskil?