Fréttir og tilkynningar
Öflugri lífeyrisreiknivél
12. maí 2025
Lífeyrisreiknivél LSR fyrir A-deild hefur verið uppfærð þannig að nú geta sjóðfélagar reiknað áhrifin af því að taka hálf eftirlaun áður en full eftirlaunataka hefst. Eins geta sjóðfélagar séð þróun eftirlaunaréttinda þegar unnið er samhliða fullum eftirlaunagreiðslum.
Upptaka frá ársfundi LSR
6. maí 2025
Ársfundur LSR fór fram á Hótel Reykjavík Natura, þriðjudaginn 6. maí 2025. Hér má finna upptöku frá fundinum.
Ársskýrsla LSR 2024 komin út
6. maí 2025
Ársskýrsla LSR fyrir árið 2024 hefur verið gefin út, en þar er fjallað um rekstur sjóðsins á síðasta ári, eignir í árslok og margt fleira. Ársskýrslan er með nýju sniði í ár, þar sem áhersla er lögð á gagnvirkni í framsetningu efnis og upplýsinga.
Ársfundur LSR haldinn 6. maí
22. apríl 2025
Ársfundur LSR verður haldinn kl. 15:00 þriðjudaginn 6. maí næstkomandi. Athugið að ársfundurinn verður haldinn á öðrum stað en undanfarin ár, á Hótel Reykjavík Natura, Nauthólsvegi 52. Fundurinn verður opinn öllum sjóðfélögum og launagreiðendum.
Merkir áfangar náðust á góðu rekstrarári LSR
10. apríl 2025
Árið 2024 var gott rekstrarár hjá LSR og skilaði sjóðurinn í heild 12,4% nafnávöxtun, sem samsvarar 7,1% hreinni raunávöxtun. Hreinar fjárfestingatekjur sjóðsins námu 173 milljörðum króna, sem er það næstmesta á einu ári í sögu LSR. Heildareign sjóðsins í árslok var tæpir 1.567 milljarðar króna.
LSR mun samþykkja tilboð ríkisins um uppgjör skuldabréfa ÍL-sjóðs
9. apríl 2025
Þann 10. mars sl. voru lagðar fram tillögur um uppgjör HFF-bréfa til að greiða fyrir slitum ÍL-sjóðs. Kröfuhafar munu greiða atkvæði um tillögurnar á fundi þann 10. apríl.
Vaxtalækkun á óverðtryggðum lánum
28. mars 2025
Vextir á nýjum óverðtryggðum lánum LSR lækka um 0,2 prósentustig, úr 8,5% í 8,3%, frá og með föstudeginum 28. mars 2025. Vextir óverðtryggðra sjóðfélagalána hjá LSR eru fastir í 36 mánuði í senn.
Langtímasýn LSR í fjárfestingum
12. mars 2025
Halla Kristjánsdóttir, sviðsstjóri eignastýringar LSR, birti í vikunni grein um sýn LSR á fjárfestingarstarfsemi sjóðsins, umboðsskyldu hans og verklag. Þar er meðal annars fjallað um mikilvægi þess að líta til sjálfbærni í rekstri og nýtingu auðlinda þegar horft er til lengri tíma í fjárfestingum.
Breytingar á útgreiðslureglum séreignar
7. mars 2025
Frá og með 1. apríl næstkomandi verða útborgunardagar Séreignar LSR tveir fastir dagar í hverjum mánuði, 1. og 15. dagur mánaðarins.
Vextir óverðtryggðra lána lækka í 8,5%
12. febrúar 2025
Vextir óverðtryggðra lána LSR lækka um 0,5 prósentustig, úr 9,0% í 8,5%, frá og með miðvikudeginum 12. febrúar 2025. Vextir óverðtryggðra sjóðfélagalána hjá LSR eru fastir í 36 mánuði í senn.