Frá og með 1. janúar 2021 hækkar sérstakt iðgjald, sk. lífeyrisaukaiðgjald, úr 5,91% í 5,97%. Samtals verður þá iðgjald launagreiðanda 17,47%. Er þessi hækkun gerð í samræmi við 8. mgr. ákvæðis IX til bráðabirgða við lög um LSR, nr. 1/1997, en þar er kveðið á um að endurskoða skuli iðgjaldið árlega í samræmi við tryggingafræðilega athugun.
Lífeyrissjóður starfsmanna ríkisins (LSR) samanstendur af A-deild og B-deild, sem er eldra réttindakerfi sjóðsins, ásamt Séreign LSR. LSR annast einnig umsýslu fyrir ESÚÍ.
Skilagreinar má senda rafrænt til LSR í gegnum launagreiðendavef LSR, sem viðhengi í tölvupósti eða sem XML-skrá í gegnum launakerfi. LSR tekur ekki við skilagreinum á pappír.
Launagreiðendur sem hafa ekki aðild að A-deild geta sótt um að greiða þangað fyrir starfsmenn sína að uppfylltum ákveðnum aðildarskilyrðum.
Merkja þarf allar skilagreinar með réttu SAL númeri til auðkenningar. Iðgjöld skal leggja inn á viðeigandi bankareikninga.
