Framsýni og reynsla skilar góðri langtímaávöxtun
Öflugt og reynslumikið eignastýringarteymi LSR sér um rekstur séreignarleiða LSR, sem hafa skilað góðri langtímaávöxtun í gegnum tíðina. LSR býður upp á tvo skýra og einfalda valkosti í ávöxtun og leggur höfuðáherslu á að auka skilvirkni, lágmarka rekstrarkostnað og skila þannig sjóðfélögum enn meiri ávinningi.
Verðbréfaleið
8,6%
Meðalnafnávöxtun sl. 10 ár*
Verðbréfaleið
4,1%
Meðalraunávöxtun sl. 10 ár*
Innlánaleið
5,7%
Meðalnafnávöxtun sl. 10 ár
Innlánaleið
1,3%
Meðalraunávöxtun sl. 10 ár
Vægi hlutabréfa er hærra en vægi skuldabréfa og meiri áhersla er á erlendar eignir. Því er mest áhætta fólgin í þessari leið, en um leið eru væntingar um að hún skili betri ávöxtun yfir lengri tíma. Hentar best yngra fólki sem á mörg ár til starfsloka og þeim sem vilja frekar leggja áherslu á ávöxtun en stöðugleika.
Eingöngu ávöxtuð á verðtryggðum og óverðtryggðum innlánsreikningum sem lágmarkar áhættu og sveiflur í ávöxtun. Hentar best þeim sem ætla fljótlega að hefja útgreiðslur og vilja halda inneigninni stöðugri.
*Þann 1. janúar 2026 sameinuðust fjárfestingaleiðirnar Leið I, Leið II og Tilgreind séreign í fjárfestingarleiðina Verðbréfaleið. Birt fortíðarávöxtun á þessari síðu er fyrir Leið I. Fjárfestingarstefna Verðbréfaleiðar fram á veginn er áhættuminni en fjárfestingarstefna Leiðar I sem getur leitt af sér lægri vænta ávöxtun en í Leið I en á móti hærri vænta ávöxtun en í Leið II.
Sér-leið – sjálfvirk færsla milli fjárfestingarleiða
Þú getur óskað eftir að færa inneign þína milli séreignarleiða eða fært iðgjaldagreiðslur þínar yfir á nýja séreignarleið hvenær sem er. Til að gera það fyllir þú út umsókn um breytingu á séreignarsamningi.
Sér-leið er hins vegar þægileg leið til að færa séreignarsparnaðinn sjálfvirkt yfir á Innlánaleið þegar nær dregur útborgun séreignar. Þannig minnkar áhætta og inneignin helst stöðugri síðustu árin fyrir útgreiðslu.
Með Sér-leiðinni velur þú að safna séreignarsparnaðinum í Verðbréfaleið fyrstu árin en við 55 ára aldur er inneignin flutt sjálfkrafa yfir á Innlánaleið í jöfnum skrefum. Þannig þarft þú ekki að óska sérstaklega eftir því að færa inneign eða iðgjaldagreiðslur í Innlánaleið.
Fjárfestingarstefna Séreignar
Í fjárfestingarstefnu Séreignar LSR eru birtar þær áherslur sem unnið er eftir við ávöxtun á fjármunum. Markmiðið er að tryggja góða ávöxtun en jafnframt að takmarka áhættu eftir því sem kostur er. Það er gert með réttri samsetningu eigna og vandaðri ákvörðunartöku um fjárfestingar og vörslu á eignum sjóðanna.
Stjórn LSR endurskoðar fjárfestingarstefnur séreignarsjóðanna a.m.k. árlega og setur fram markmið um eignasamsetningu þeirra. Þá er tekið tillit til breytinga sem orðið hafa á innlendum og erlendum verðbréfamörkuðum, breytinga sem orðið hafa á umhverfi lífeyrissjóðanna og annarra ytri skilyrða sem hafa áhrif á rekstur og starfsumhverfi þeirra.
Mánaðarlega eru birt upplýsingayfirlit Séreignar þar sem fylgast má með gengisþróun síðustu 12 mánuði og eignasamsetningu sjóðanna.
Frekari tölulegar upplýsingar má einnig finna á fjárfestingarsíðum leiðanna hér til hliðar.
Helstu fjárfestingarupplýsingar
Upplýsingayfirlit Séreignar - febrúar 2026
Fyrir 1. janúar 2026 bauð LSR upp á fjórar séreignarleiðir, Leið I, Leið II, Leið III og Tilgreinda séreign. Þann 1. janúar 2026 var þessum leiðum fækkað í tvær. Leið II og Tilgreind séreign runnu inn í Leið I og hlaut nýja leiðin nafnið Verðbréfaleið og Leið III heitir Innlánaleið eftir breytinguna. Sögulegar ávöxtunartölur hér fyrir neðan eiga við um Leið I annars vegar og Leið III hins vegar.