Sveigjanleg fasteignalán

• Lán eru einungis veitt gegn veði í íbúðarhúsnæði á Íslandi til eigin nota þar sem lántaki hefur eða verður með lögheimili.
• Fjárhæð þess láns sem sótt er um ásamt lánum sem standa framar í veðröð mega að hámarki vera 65% af fasteignamati eða söluverði fasteignar samkvæmt kaupsamningi.
• Hámarksveðsetning getur þó farið í allt að 70% af fasteignamati eða söluverði fasteignar samkvæmt kaupsamningi ef LSR lánar gegn 1. veðrétti eða ef LSR lánar í samfelldri veðröð frá og með 1. veðrétti.
• Hámarksveðsetning takmarkast einnig alltaf af því að fjárhæð lána á viðkomandi fasteign getur aldrei orðið hærri en samtala brunabótamats og lóðarmats.
• Allir þinglýstir eigendur/kaupendur viðkomandi fasteignar þurfa að gerast lántakar og standast greiðslumat og lánshæfismat.

Hvernig sæki ég um lán?

Lánsumsókn er stofnuð á Mínum síðum. Í umsóknarferlinu er m.a. farið í gegnum rafrænt greiðslumat sem greitt er fyrir skv. gjaldskrá.

Fyrir fasteignakaup þarf að skila inn:

• Undirrituðu kauptilboði/kaupsamningi vegna fasteignar sem verið er að kaupa
• Undirrituðu kauptilboði/kaupsamningi vegna fasteignar sem verið er að selja, ef við á
• Staðfestingu á fé sem á að nota til fasteignakaupa (ef ekki á að nota fé úr sölu fasteignar)

Ef um skilnað eða sambúðarslit er að ræða þarf að skila inn

• Fjárskipta- og skilnaðarsamningi staðfestum af sýslumanni
• Staðfestingu á skiptingu eigna og skulda, undirrituðu af báðum aðilum