Einungis boðið upp á lán með föstum vöxtum
Vegna dóms Hæstaréttar í máli nr. 55/2024 mun LSR að svo stöddu eingöngu afgreiða umsóknir um verðtryggð lán með föstum vöxtum út lánstímann.
Óverðtryggð lán og verðtryggð lán með vöxtum sem eru endurskoðaðir á 36 mánaða fresti eru því ekki í boði hjá sjóðnum sem stendur.
Jafnar greiðslur eða jafnar afborganir
Hægt er að velja milli jafnra greiðslna (annuity) og jafnra afborgana.
- Jafnar greiðslur: Mánaðarleg afborgun er lægri í upphafi, en eignamyndun er hægari
- Jafnar afborganir: Mánaðarleg afborgun er hærri í upphafi, en eignamyndun er hraðari
Best er að sjá muninn á lánategundunum og tegundum afborgana með því að nota lánareiknivélina. Prófaðu þig áfram með mismunandi valkosti og við bendum sérstaklega á að bera saman liðinn „Heildargreiðsla“ áður en ákvörðun er tekin.
Þróun vaxta á fasteignalánum
-
Fram til 15. janúar 2019 bauð LSR verðtryggð lán sem voru með vaxtaendurskoðun fjórum sinnum á ári. Þessi lán eru ekki lengur í boði þegar tekin eru ný fasteignalán, en vextir slíkra lána sem tekin voru á sínum tíma geta tekið breytingum í byrjun janúar, apríl, júlí og október ár hvert.
Vextir þessara lána eru 4,10% frá 1. janúar 2025 og munu haldast óbreyttir í október.
Þróun vaxta eldri breytilegra verðtryggðra lána