Áfram stendur hins vegar til boða að fá séreign útborgaða skattfrjálst við kaup á fyrstu íbúð. Það úrræði gildir einnig fyrir tilgreinda séreign.
Greiðslur séreignarsparnaðar við kaup á fyrstu íbúð geta ýmist verið útborgun uppsafnaðs séreignarsparnaðar eða mánaðarleg ráðstöfun séreignarsparnaðar inn á íbúðalán.
Sækja þarf um úrræðið á vef Ríkisskattstjóra og þar má einnig finna frekari upplýsingar:
-
Þeim sem eru að kaupa sína fyrstu fasteign er heimilt að nýta séreignarsparnað sem safnað hefur verið í allt að 10 ár skattfrjálst upp í útborgun eða til að greiða niður höfuðstól. Einnig er heimilt að greiða skattfrjálst inn á afborganir óverðtryggðra lána sem tekin eru vegna kaupanna.
Helstu skilyrði fyrir nýtingu úrræðisins eru:
- Umsækjandi eignist 30% eignarhlut í eigninni.
- Umsækjandi sæki um nýtinguna innan 12 mánaða frá undirritun kaupsamnings.
- Umsækjandi sé að eignast sína fyrstu íbúð eða hafi ekki átt íbúðarhúsnæði í fimm ár.
Árleg hámarksnýting séreignarsparnaðar er 500.000 kr. fyrir hvern einstakling og nýtingin getur staðið yfir í að hámarki 10 ára samfellt tímabil.
Nánari upplýsingar um nýtingu séreignarsparnað við fyrstu fasteignakaup og umsókn má finna á vef ríkisskattstjóra.
-
Hægt er að nýta tilgreinda séreign við kaup á fyrstu íbúð eða sem greiðslu inn á lán vegna fyrstu íbúðarkaupa samkvæmt ákveðnum skilyrðum. Á vef Skattsins má finna nánari upplýsingar um fyrstu íbúðarkaup.
- Hámarksgreiðslur á ári hjá sambúðarfólki eru 750.000 kr. en 500.000 kr. hjá einstaklingum.
- Ef sjóðfélagi safnar í hefðbundna séreign koma þá greiðslur úr tilgreindri séreign einungis til viðbótar ef heimildin er ekki fullnýtt.
Greiðslur tilgreindrar séreignar inn á lán ganga þannig fyrir sig að yfir árið er hefðbundinn séreignarlífeyrissparnaður greiddur reglulega inn á lánið. Ef hámarkinu er ekki náð eftir árið er tilgreind séreign notuð til að fullnýta heimildina.
Greiðsla tilgreindrar séreignar inn á lán eða vegna íbúðarkaupa mun því ekki eiga sér stað fyrr en eftir að árið er liðið og ljóst er að heimild sé ekki fullnýtt með hefðbundinni séreign.
Hvenær nýtist tilgreind séreign inn á fasteignalán?
Ef þú ert ekki að safna í hefðbundna séreign fer tilgreind séreign að fullu í greiðslur inn á fasteignalán þar til hámarksgreiðslu á ári er náð.
Ef þú safnar 4% af launum í hefðbundna séreign (2% framlag launþega, 2% framlag vinnuveitanda) fullnýtir þú 500.000 kr. heimildina með hefðbundinni séreign ef þú ert með u.þ.b. 1.387.500 kr. eða meira í mánaðarlaun.
Ef þú safnar hins vegar 6% í hefðbundna séreign (4% framlag launþega, 2% framlag vinnuveitanda) fullnýtir þú 500.000 heimildina ef þú ert með u.þ.b. 695.000 kr. eða meira í mánaðarlaun.