Í síðustu viku samþykkti Alþingi ný lög sem festa í sessi greiðslur séreignar inn á fasteignalán. Samkvæmt þeim geta allir nýtt séreign til að greiða inn á fasteignalán í samtals tíu ár. Hámarksgreiðslur eru 500.000 kr. á hvern einstakling á ári og ekki er sérstök hámarksgreiðsla fyrir hjón eða sambýlisfólk eins og áður var. Hámarkið mun breytast á hverju ári í samræmi við vísitölu neysluverðs.
Lögin taka gildi 1. október á þessu ári en munu gilda afturvirkt frá 1. janúar 2026. Þannig verður hægt að ráðstafa öllum séreignargreiðslum ársins inn á fasteignalán upp að 500.000 kr. á hvern einstakling þótt greiðslurnar verði ekki framkvæmdar fyrr en eftir 1. október.
Skatturinn heldur utan um ráðstöfun séreignar inn á fasteignalán og er sjóðfélögum bent á að leita þangað varðandi frekari upplýsingar.