Launþegar eiga rétt á að safna í séreignarsparnað og auka þannig við lífeyrissparnað sinn. Ef þú safnar séreign þá greiðir þú 2-4% iðgjald af launum þínum og á móti kemur 2% mótframlag frá launagreiðanda þínum. Sparnaðurinn er svo laus til útborgunar frá 60 ára aldri.

Ef þú hefur einhvern tímann greitt iðgjald til einhverra af sjóðum LSR og ert félagi í KÍ, Félagi íslenskra hjúkrunarfræðinga eða einhverju aðildarfélaga BSRB eða BHM þá getur þú sótt um að safna séreign hjá okkur. Það gerir þú með því að fylla út samning um séreignarsparnað á Mínum síðum. 

Séreign LSR er laus til útborgunar eins og þér hentar frá 60 ára aldri, að því gefnu að að minnsta kosti tvö ár séu liðin frá fyrstu innborgun.

Já, hægt er að fá ákveðna upphæð greidda mánaðarlega, fá stakar greiðslur eftir hentugleika eða jafnvel fá alla upphæðina greidda í einu lagi. Þó er einungis hægt að fá eina greiðslu úr séreign í hverjum mánuði. LSR greiðir út séreign 1. og 15. hvers mánaðar.

Sjóðfélagar í A-deild geta valið að láta allt að 3,5% af skyldubundnu lífeyrisiðgjaldi sínu renna í tilgreinda séreign. Ef þú velur að greiða í tilgreinda séreign lækka réttindi þín til ævilangra eftirlauna og örorkulífeyris. Sparnaðurinn er svo laus til útborgunar frá 62 ára aldri.

Já, tekjuskattur er dreginn af útborgunum.

Já, séreignarsparnaður erfist og skiptist milli maka og barna samkvæmt reglum hjúskapar- og erfðalaga. Ekki er greiddur erfðafjárskattur af erfðri séreign.