Maka- og barnalífeyrir

Trygging við fráfall sjóðfélaga

Í A-deild á eftirlifandi maki á rétt á makalífeyri í 5 ár. Börn virkra sjóðfélaga eiga rétt á barnalífeyri til 22 ára aldurs.

Makalífeyrir

  • Eftirlifandi maki eða sambúðaraðili sjóðfélaga á rétt á makalífeyri úr A-deild.
  • Fjárhæð fer eftir áunnum réttindum sjóðfélaga. Fullur makalífeyrir er helmingur af áunnum réttindum hins látna og greiðist hann í þrjú ár. Hálfur makalífeyrir greiðist í tvö ár til viðbótar.
  • Maki kann jafnframt að eiga rétt á framreikningi. Þá er reiknað með þeim réttindum sem sjóðfélagi hefði áunnið sér ef hann hefði greitt iðgjald til 65 ára aldurs.
  • Hafi eftirlifandi maki börn sín og hins látna á framfæri er makalífeyrir greiddur þar til yngsta barnið nær 22 ára aldri. Skilyrðin fyrir því eru að hinn látni sjóðfélagi hafi verið virkur greiðandi í sjóðinn við andlát eða verið lífeyrisþegi.
  • Sé eftirlifandi maki með a.m.k. 50% örorku skal greiddur makalífeyrir meðan sú örorka varir, enda sé eftirlifandi maki yngri en 67 ára við fráfall sjóðfélaga.

Barnalífeyrir

  • Börn virkra sjóðfélaga eiga rétt til barnalífeyris falli sjóðfélagi frá eða fái greiddan örorkulífeyri.
  • Barnalífeyrir úr A-deild sjóðsins er greiddur til 22 ára aldurs.
  • Miðað er við að sjóðfélagi hafi greitt iðgjald í sjóðinn í a.m.k. sex mánuði af undanfarandi tólf mánuðum fyrir andlát eða orkutap, eða að hann hafi notið örorkulífeyris úr sjóðnum í þennan tíma.
  • Barnalífeyrir greiðist framfæranda barnsins til 18 ára aldurs, en eftir það til barnsins.
  • Fullur mánaðarlegur barnalífeyrir vegna andláts er kr. 25.431 í ágúst 2017.
  • Fullur mánaðarlegur barnalífeyrir vegna örorku er kr. 19.073 í ágúst 2017.

Flýtileiðir