Skattlagning lífeyris

Greiddur er tekjuskattur af lífeyrisgreiðslum og eru skattþrepin þrjú

Það er á ábyrgð lífeyrisþega að tilkynna eftir hvaða skattþrepi á að skattleggja lífeyrisgreiðslur. Ef lífeyrisþegi fær laun/lífeyri greidd frá fleiri en einum launagreiðanda er mikilvægt að slíkar upplýsingar berist sjóðnum. Þannig er tryggt að réttur tekjuskattur sé reiknaður hverju sinni. Ef röngum tekjuskatti er skilað kemur til uppgjörs við álagningu í ágúst ár hvert með 2,5% álagi sbr. 122. gr. laga nr. 90/2003 um tekjuskatt.

Tekjuskattur af launatekjum er reiknaður í þrepum.

Staðgreiðsla skatta árið 2022

  • Skattþrep 1 31,45% skattur á samtals skattskyldar mánaðarlegar tekjur að kr. 370.482.
  • Skattþrep 2 37,95% skattur á samtals skattskyldar mánaðarlegar tekjur frá kr. 370.482 og að kr. 1.040.106.
  • Skattþrep 3 46,25% skattur á samtals skattskyldar mánaðarlegar tekjur frá kr. 1.040.107.


Persónuafsláttur 2022
Fullur persónuafsláttur er kr. 53.916 á mánuði.
Það er á ábyrgð lífeyrisþega að upplýsa LSR um nýtingu persónuafsláttar.

Skattleysismörk 2022

Skattleysismörk lífeyrisþega eru kr.171.434 á mánuði miðað við 100% skattkort.

Lífeyrisþegar búsettir erlendis
Þeir lífeyrisþegar sem búsettir eru erlendis og eiga samkvæmt skattasamningum ekki að greiða skatt á Íslandi þurfa að skila staðfestingu frá Skattinum þess efnis inn til sjóðsins.

Flýtileiðir