Á Mínum síðum getur þú séð í hvaða deild lífeyrisréttindi þín eru.

Þú getur hafið töku eftirlauna hvenær sem er á aldrinum 60 til 80 ára í A-deild. Viðmiðunaraldur eftirlaunaréttinda er 67 ára, flýting eða frestun á töku eftirlauna hefur áhrif á upphæð mánaðarlegra greiðslna.

Á Mínum síðum getur þú séð hversu mikil réttindi þú átt í dag miðað við upphaf töku lífeyris 67 ára. Þar getur þú einnig séð áætluð réttindi miðað við mismunandi aldur við töku eftirlauna, bæði ef gert er ráð fyrir engum frekari innborgunum eða áframhaldandi innborgunum.

Já, á Mínum síðum getur þú séð réttindi þín í dag miðað við upphaf töku lífeyris 67 ára og einnig dæmi um áætlaðar eftirlaunagreiðslur miðað við mismunandi aldur við töku eftirlauna.

Viðmiðunaraldur eftirlaunaréttinda er 67 ára og mánaðarleg greiðsla er lægri ef taka eftirlauna hefst fyrir þann aldur þar sem greiðslur þyrftu að ná yfir lengri tíma. Sömuleiðis er mánaðarleg greiðsla hærri ef upphaf töku eftirlauna er eftir 67 ára aldur því þá er gert ráð fyrir að greiðslur nái yfir styttri tíma.

Hægt er að skoða nánar áætlaðar upphæðir í lífeyrisreiknivélinni á Mínum síðum. 

Já, hægt er að fá greidd eftirlaun úr A-deild samhliða því að halda áfram vinnu. Ef þú færð greidd laun eftir að taka eftirlauna hefst þá heldur réttindaávinnsla áfram samhliða til 70 ára aldurs og kemur til viðbótar eftirlaunagreiðslum eftir að þeim aldri er náð. Það gerist sjálfkrafa og því ekki þörf á að sækja sérstaklega um það.

Í A-deild er mögulegt að hefja töku á hálfum eftirlaunum og hefja síðar töku á fullum eftirlaunum. Greiðslur hefjast þá á helmingi eftirlaunaréttinda en hinn helmingurinn geymist og eykst í samræmi við iðgjaldagreiðslur og reglur sjóðsins um frestun eftirlaunagreiðslna.

Sótt er um eftirlaun á Mínum síðum og er vinnslutími eftirlaunaumsóknar 4-6 vikur. Hér má finna leiðbeiningar um ferlið skref fyrir skref.

Á Mínum síðum undir flipanum Mínar upplýsingar er hægt að breyta bankareikningi, skattþrepi og skráningu skattkorts.

Mögulegt er að skipta eftirlaunaréttindum eða eftirlaunagreiðslum á milli maka til að jafna stöðu sambúðaraðila. Hér má finna nánari upplýsingar um skiptingu milli maka.

Við fráfall sjóðfélaga A-deildar getur maki átt rétt á makalífeyri. Fjárhæð makalífeyris er hlutfall af réttindum sjóðfélaga og greiðist til eftirlifandi maka í 5 ár. Þetta tímabil lengist ef makalífeyrisþegi hefur börn sín og hins látna á framfæri og stendur allt þar til yngsta barn nær 22 ára aldri.

Við fráfall eða örorku sjóðfélaga geta börn sjóðfélaga átt rétt á barnalífeyri til 22 ára aldurs. Barnalífeyrir er greiddur sem föst mánaðarleg upphæð.

Örorkulífeyrir úr A-deild aðstoðar við að bæta upp tekjutap ef þú þarft að minnka við þig vinnu eða láta af störfum vegna sjúkdóms eða slyss. Réttur getur verið á örorkulífeyri ef starfsgeta skerðist um 40–100% í 6 mánuði eða lengur.

Eftirlaunaþegar með lögheimili erlendis verða árlega að staðfesta að þeir séu á lífi til að viðhalda rétti á eftirlaunagreiðslum. Nægir þá að skrá sig inn á Mínar síður í byrjun hvers árs því til staðfestingar.

Lífeyrisþegar með makalífeyrisgreiðslur verða, ásamt því að staðfesta árlega að þeir séu á lífi, að skila inn staðfestingu á núverandi hjúskaparstöðu frá búsetulandi til að viðhalda rétti á makalífeyri.

Örorkulífeyrisþegar verða að senda árlega afrit af síðasta skattframtali búsetulands.

Hér má finna nánari upplýsingar um búsetu erlendis.

Síðasta dag hvers mánaðar ef þú ert með eftirágreiddan lífeyri en flestir í A-deild eru með það fyrirkomulag. Fyrsta dag hvers mánaðar ef þú ert með fyrirframgreiddan lífeyri úr A-deild.