Breyta láni

Vinsamlega athugið að öllum breytingum á lánum þarf að þinglýsa og í sumum tilfellum samþykki síðari veðhafa og ef til vill greiðslumat. 

Veðflutningur

Við kaup og sölu eigna er hægt að flytja lán á milli eigna.

Gögn sem þurfa að fylgja eru:

  • Umsókn um veðflutning
  • Síðustu kvittanir áhvílandi lána
  • Veðbókarvottorð (sjóðurinn getur í flestum tilfellum útvegað rafrænt veðbókarvottorð gegn vægu gjaldi)
  • Kaupsamningur

Nafnabreyting (skuldaraskipti)

Við kaup og sölu eigna er hægt að láta lán fylgja eigninni svo framarlega sem kaupandi hafi lánsrétt hjá LSR og þarf þá að nafnabreyta láninu.

 Gögn sem þurfa að fylgja eru:

  • Umsókn um skuldaraskipti
  • Þinglýstur kaupsamningur
  • Athygli er vakin á því að lánshæfis- og greiðslumeta þarf við nafnabreytingu.


Skilmálabreyting

Umsókn um breytingu á greiðsluskilmálum getur verið beiðni um að lengja/stytta lánstíma, breyta breytilegum vöxtum í fasta vexti, fjölga/fækka gjalddögum á ári, breyta tegund láns (úr jafngreiðsluláni í jafnar afborganir og öfugt).

  • Athygli er vakin á því að við skilmálabreytingu lána gæti þurft að greiðslumeta.