Starf samhliða lífeyristöku

Í A-deild LSR er ekki skilyrði til töku lífeyris að láta af störfum heldur getur sjóðfélagi starfað í allt að 100% starfshlutfalli meðfram lífeyristöku og greitt iðgjöld af því starfi til 70 ára aldurs.

Ef sjóðfélagi heldur áfram í starfi eftir að lífeyristaka hefst eru réttindi sem ávinnast af starfi meðfram lífeyristöku ekki endurreiknuð fyrr en 70 ára aldri er náð.

Ef sjóðfélagi heldur áfram í starfi eftir að taka á hálfum lífeyri hefst eru réttindi sem ávinnast af starfi meðfram töku á hálfum lífeyri endurreiknuð þegar sótt er um fullan lífeyri. Hægt er að fresta töku á fullum lífeyri til 80 ára aldurs.

• Í aldurstengdri réttindaávinnslu reiknast réttindi meðfram starfi samkvæmt réttindatöflu.
  
• Í jafnri réttindaávinnslu eru réttindi sem ávinnast af starfi meðfram lífeyristöku helmingi verðminni. Réttindi sem ávinnast af starfi meðfram töku á hálfum lífeyrir skerðast hinsvegar ekki.