LSR sendir sjóðfélögum yfirlit á hálfs árs fresti þar sem tilteknar eru m.a. iðgjaldagreiðslur sjóðfélaga og launagreiðenda og greiðslur til sjóðfélaga. Í A-deild og B-deild má einnig sjá áunnin lífeyrisréttindi og áætlun um lífeyrisréttindi ef greiðslur halda áfram. Sjóðfélagar í Séreign fá upplýsingar um núverandi inneign og ávöxtun á fyrstu sex mánuðum ársins.
Með yfirlitunum fylgir einnig fréttabréf LSR, þar sem fjallað er m.a. um afkomu sjóðsins á árinu 2025, veittar upplýsingar um séreignarsjóði LSR og sagt frá nýjungum á vef sjóðsins. Þá fylgir einnig rekstraryfirlit sjóðsins fyrir árið 2025. Fréttabréfið má einnig finna hér neðst í fréttinni.
Rétt eins og undanfarin ár eru yfirlitin send út rafrænt. Hægt er að finna þau á Mínum síðum LSR auk þess sem sjóðfélagar fá þau send í gegnum Ísland.is. Við hvetjum sjóðfélaga til að kynna sér yfirlitin og ganga úr skugga um að allar iðgjaldagreiðslur hafi skilað sér til sjóðsins á tímabilinu.