Fréttir og tilkynningar

Breyttur opnunartími 4. og 7. september

1. september 2026

Vegna uppfærslu á upplýsingakerfum LSR dagana 4.–7. september verður opnunartími sjóðsins styttur föstudaginn 4. september og mánudaginn 7. september. Jafnframt má búast við truflunum á þjónustu sjóðsins á vefnum yfir helgina.

Vextir fasteignalána lækka

27. ágúst 2026

Vextir á nýjum fasteignalánum LSR lækka úr 4,5% í 4,4% frá og með fimmtudeginum 27. ágúst 2026. Lánin eru verðtryggð með föstum vöxtum út lánstímann.

Það skiptir máli að velja rétta séreign

15. júlí 2026

Séreign er frábær sparnaðarleið en eins og nýleg rannsókn sýnir fram á er algengt að fólk velji ekki réttu sparnaðarleiðina. Harpa Jónsdóttir framkvæmdastjóri LSR skrifaði grein í Vísi þar sem þetta er útskýrt.

Áfram hægt að greiða séreign inn á fasteignalán

22. júní 2026

Skattfrjálsar greiðslur séreignar inn á fasteignalán hafa verið festar í sessi með nýjum lögum sem taka gildi í haust og verða afturvirk til 1. janúar.

Upptaka frá ársfundi LSR 5. maí

5. maí 2026

Ársfundur LSR var haldinn á Hilton Reykjavík Nordica þriðjudaginn 5. maí kl. 15:00. Hér má finna upptöku frá fundinum.

Ársskýrsla LSR 2025 komin út

5. maí 2026

Ársskýrsla LSR fyrir árið 2025 hefur verið gefin út en þar er fjallað um rekstur sjóðsins á síðasta ári, eignir í árslok og margt fleira. Þá hefur sjóðurinn einnig gefið út sjálfbærniskýrslu ársins.

Ársfundur LSR haldinn 5. maí

21. apríl 2026

Ársfundur LSR verður haldinn kl. 15:00 þriðjudaginn 5. maí næstkomandi. Fundurinn verður haldinn í VOX Club-salnum á Hilton Reykjavík Nordica og verður opinn öllum sjóðfélögum og launagreiðendum.

Nær 100 milljarða aukning á eignum LSR á árinu 2025

16. apríl 2026

Hrein eign Lífeyrissjóðs starfsmanna ríkisins var rétt tæpir 1.664 milljarðar í árslok 2025, sem er aukning um rúma 97 milljarða milli ára. Nafnávöxtun LSR, sem er stærsti lífeyrissjóður landsins í eignum talið, var 6,6% á árinu 2025 og hrein raunávöxtun var 2,7%. Raunávöxtun sjóðsins hefur verið að meðaltali 3,8% síðustu 10 árin.

Áhrif óvissu á ábyrgar og sjálfbærar fjárfestingar

10. apríl 2026

Aukin óvissa í alþjóðamálum hefur aukið mikilvægi umhverfisþátta, félagsþátta og stjórnarhátta við fjárfestingarákvarðanir. Þetta er niðurstaða greinar sem Heiðrún Hödd Jónsdóttir, sérfræðingur í sjálfbærni hjá LSR, birti fyrir skömmu á vef samtakanna IcelandSIF.

Nýjar eftirlaunaumsóknir teknar í notkun

23. mars 2026

LSR hefur nú tekið í notkun nýja útgáfu af eftirlaunaumsóknum, sem er mun einfaldari fyrir sjóðfélaga en fyrra umsóknarferli auk þess sem úrvinnsla verður einfaldari fyrir starfsfólk.