Um ávinnslu réttinda og iðgjaldaskil
Hér sækir þú allar upplýsingar um ávinnslu réttinda
Með því að smella á hnappana hér að ofan velur þú þann lífeyrissjóð sem þú átt rétt á að greiða til.
Samkvæmt lögum er okkur skylt að greiða iðgjald af launatekjum í lífeyrissjóð. Ríkisstarfsmenn og aðrir, sem aðild eiga að LSR, greiða ýmist í A-deild, B-deild eða LH.
Í ársbyrjun 1997 tóku gildi breytingar á lögum LSR og var sjóðnum skipt í tvær deildir, A-deild og B-deild. Lögum um LH var einnig breytt og sjóðnum lokað.
A-deild
var stofnuð við breytingarnar 1997. Þangað greiða nýir sjóðfélagar, 16 ára og eldri, sem taka laun samkvæmt kjarasamningum opinberra starfsmanna og starfa hjá ríki, sveitarfélögum, hjá skyldum eða sambærilegum launagreiðendum. A-deildin er stigasjóður sem byggir á fullri sjóðsöfnun.
B-deild
er eldra réttindakerfi LSR og var lokað fyrir nýjum sjóðfélögum í árslok 1996. Sjóðfélagar sem greiddu til B-deildar í árslok 1996 áttu áfram rétt til aðildar. Þeir, sem kusu að flytja sig yfir í A-deild, eiga áfram geymd réttindi í B-deild sem er að mestu gegnumstreymissjóður en byggir að hluta til á sjóðsöfnun.
Lífeyrissjóður hjúkrunarfræðinga (LH)
er lífeyrissjóður fyrir starfandi hjúkrunarfræðinga. Sjóðurinn var stofnaður árið 1944 og honum var lokað eins og B-deild fyrir nýjum sjóðfélögum í árslok 1996. LH starfar samkvæmt eldra kerfi eins og B-deildin.
