Örorkulífeyrir
Trygging vegna skertrar starfsorku
Örorkulífeyrir úr A-deild LSR aðstoðar við að bæta upp tekjumissi sjóðfélaga sem hafa þurft að minnka við sig vinnu eða látið af störfum vegna sjúkdóms eða slyss.
Við mat á rétti til örorkulífeyris
Slys og veikindi geta leitt til skertrar starfsgetu og því er mikilvægt að hafa tryggingu gegn tekjutapi.
Til að sjóðfélagi öðlist rétt til örorkulífeyris þarf trúnaðarlæknir sjóðsins að meta örorkuna a.m.k. 40%, í þrjá mánuði eða lengur.
Samanlagður lífeyrir, barnalífeyrir, almannatryggingar og/eða aðrar launagreiðslur skal aldrei vera hærri en sá tekjumissir sem sjóðfélaginn hefur sannarlega orðið fyrir sökum orkutaps.
Fjárhæð örorkulífeyris
Örorkulífeyrir tekur mið af örorkumati.
Fjárhæð örorkulífeyris fer eftir þeim réttindum sem sjóðfélagi hefur áunnið sér við starfsorkutap. Jafnframt kann sjóðfélagi að eiga rétt til framreiknings en þá er auk áunninna réttinda reiknað með þeim réttindum sem hann hefði áunnið sér hjá sjóðnum eins og greitt hefði verið til 65 ára aldurs.
Hafi sjóðfélagi greitt iðgjald til sjóðsins í a.m.k. þrjú af undanfarandi fjórum almanaksárum og greitt iðgjald í a.m.k. sex mánuði á undanfarandi tólf mánuðum, á hann rétt á framreikningi.
Við mat á iðgjaldagreiðslutíma er tekið tillit til iðgjalda sem greidd hafa verið til annarra lífeyrissjóða sem eiga aðild að samkomulagi sem flestir lífeyrissjóðir hafa gert með sér. Sjá nánar um réttindi í öðrum sjóðum.
Skýringadæmi:
Sjóðfélagi fæddur í september árið 1964 verður fyrir orkutapi í maí 2010 samkvæmt örorkumati trúnaðarlæknis sjóðsins. Gefið er að sjóðfélagi greiddi til sjóðsins þrjú af undanfarandi fjórum árum og var virkur greiðandi í sjóðnum. Hér er framreikningsréttur sem þýðir að meðaltalstig sl. þriggja ára eru framreiknuð til 65 ára aldurs. Sjóðfélagi fæddur í september 1964 verður 65 ára í september 2029.
Framreiknað er frá orkutapi eða frá maí 2010 til sept 2029 = 19,33 ár.
Áunninn réttur er 40 stig.
Meðaltalstig sl. þriggja ára gætu verið 2,8 stig.
2,8*19,33 = 15,124 stig.
Samtalan verður þá: 15,124+40=55,124*1,9 = 104,439%*grundvallarfjárhæð (103.324) = 107.911 kr. mánuði mv. 100% orkutap
Skoðaðar eru tekjur 3 ár fyrir orkutap (árið 2009, 2008 og 2007) til að kanna hvort um tekjutap sé að ræða.