Ávöxtun

Markmið LSR og LH er að tryggja góða ávöxtun til lengri tíma, en jafnframt takmarka áhættu eins og kostur er með vel dreifðu eignasafni.

Nafnávöxtun LSR á árinu 2010 var 4,9% sem samsvarar 2,2% raunávöxtun, samanborið við 2,9% raunávöxtun á árinu 2009. Hrein raunávöxtun, þ.e. raunávöxtun þegar rekstrarkostnaður hefur verið dreginn frá hreinum fjármunatekjum, var 2,2% á árinu 2010 samanborið við 2,9% á árinu 2009. Meðaltal hreinnar raunávöxtunar LSR síðustu 5 ára er -2,9% og meðaltal síðustu 10 ára er 1,6%.

Nafnávöxtun LH á árinu 2010 var 4,6% sem samsvarar 1,9% raunávöxtun, samanborið við 2,6% á árinu 2009. Hrein raunávöxtun LH var 1,8% á árinu 2010, samanborið við 2,5% á á árinu 2009. Meðaltal hreinnar raunávöxtunar LH síðustu 5 árin er -3,5% og meðaltal síðustu 10 árin er 1,2%.

Skuldabréfaeign LSR og LH er gerð upp á kaupkröfu, sem þýðir að breytingar á ávöxtunarkröfu skuldabréfa hafa ekki áhrif á bókfært virði þeirra bréfa sem sjóðirnir áttu í árslok 2010. Ávöxtun er reiknuð samkvæmt reglum um ársreikninga lífeyrissjóða.

Í meðfylgjandi töflu má sjá nafn- og raunávöxtun A- og B-deilda LSR, LH og Séreignar LSR á árinu 2010 sem og 5 ára meðaltal hreinnar raunávöxtunar.