Samkvæmt 2. mgr. 12. gr. laga nr. 73/2011 sem samþykkt voru á Alþingi í júní sl. ber öllum launagreiðendum að greiða 0,13% af heildarlaunum allra starfsmanna sinna til VIRK frá og með 1. september 2011.

Um næstu mánaðamót verður lífeyrir úr B-deild LSR og LH leiðréttur samkvæmt nýsamþykktum kjarasamningum opinberra starfsmanna og kjarasamningum sem sveitarfélög hafa gert við starfsmenn sína og gilda frá 1. júní sl.

Í tilefni af fréttaflutningi af tryggingafræðilegri stöðu A-deildar og erindi Fjármálaeftirlitsins um hækkun iðgjalds launagreiðenda til deildarinnar vill LSR koma eftirfarandi upplýsingum á framfæri.

Tryggingafræðileg úttekt A-deildar LSR miðað við árslok 2010 sýnir að áfallin skuldbinding var...

Um síðustu áramót voru samanlagðar eignir Lífeyrissjóðs starfsmanna ríkisins (LSR) og Lífeyrissjóðs hjúkrunarfræðinga (LH) 371,8 milljarðar króna og hækkuðu um 21,9 milljarða frá árinu á undan eða um 6,3%. Í árslok 2010 skiptust eignir þannig að hlutur A-deildar var 154,5 milljarðar króna, B-deildar 187 milljarðar króna, Séreignar LSR 8,6 milljarðar króna og eignir LH voru 21,7 milljarðar króna.

Aðgangur að upplýsingum á veraldarvefnum verður sífellt greiðari og rafræn skilríki auðvelda okkur enn frekar að sækja þangað upplýsingar sem við þurfum. Á heimasíðu LSR, sem nú hefur tekið gagngerum breytingum með þetta í huga, er að finna svör við spurningum sem eru mikilvægar bæði fyrir líðandi stund og til framtíðar.

LSR hefur lokið útsendingu launamiða til allra sjóðfélaga sem fengu lífeyrisgreiðslur á árinu 2010 úr A- og B-deild LSR, LH og Séreign LSR. Lífeyrisþegar eru hvattir til að yfirfara upplýsingar á launamiðum og hafa samband við sjóðinn ef athugasemdir finnast. Upplýsingar um lífeyrisgreiðslur koma forskráðar inn á skattaframtöl ef  skilað er á netinu.

Gengið hefur verið frá verklagsreglum um hvernig koma megi til móts við þá sem skulda lán sem hvíla á yfirveðsettum heimilum. Verklagsreglurnar eru nánari útfærsla viljayfirlýsingu frá 3. desember s.l. um aðgerðir vegna skuldavanda heimilanna.