Niðurstöður flestra umsækjenda um höfuðstólsleiðréttingu hafa verið birtar á vef RSK leidretting.is. Birtingin er til upplýsinga eins og er og því ekki hægt að staðfesta niðurstöðuna fyrr en um miðjan desember.

Lesa meira

Á næstu dögum mun þeim launagreiðendum er greiða iðgjöld til LSR berast bréf þar sem tilkynnt er um breytingu á bankareikningum vegna iðgjaldaskila. Launagreiðendur eru beðnir um að leggja inn á nýja bankareikninga frá og með útborgun 1. október næstkomandi.

Lesa meira

Við viljum minna á að umsóknarfrestur um höfuðstólsleiðréttingu á verðtryggðum fasteignalánum rennur út þann 1. september næstkomandi. Þá verður endanlega lokað fyrir umsóknir og ekki hægt að sækja um eftir þann tíma. Allar frekari upplýsingar má finna á vef ríkisskattstjóra leidretting.is.

Lesa meira

Fjármála- og efnahagsráðuneytið, ellefu hjúkrunarheimili, Lífeyrissjóður starfsmanna ríkisins og Lífeyrissjóður hjúkrunarfræðinga hafa undirritað samninga sem fela í sér yfirtöku ríkisins á nær öllum lífeyrisskuldbindingum hjúkrunarheimilanna vegna starfsmanna þeirra í B-deild LSR og LH. Lesa meira

Árleg útsending yfirlita stendur nú yfir. Allir sjóðfélagar sem greiddu iðgjöld á árinu 2013 fá sent yfirlit í pósti með upplýsingum þar um. Mjög mikilvægt er að bera saman yfirlitið og launaseðlana. Vanti innborganir, skal hafa samband við launagreiðanda eða LSR.

Lesa meira

Ársfundur LSR og LH verður haldinn þriðjudaginn 27. maí kl. 15:00 í húsnæði LSR við Engjateig 11, 105 Reykjavík. Fundurinn er opinn öllum sjóðfélögum og launagreiðendum.

Á fundinum verður gerð grein fyrir skýrslu stjórnar, ársreikningi, tryggingafræðilegri úttekt, skuldbindingum launagreiðenda og fjárfestingarstefnu.

Ársskýrsla fyrir árið 2013 verður afhent á fundinum en einnig er hægt að óska eftir heimsendingu hennar með því að senda póst á lsr@lsr.is. Ennfremur er hægt að nálgast ársskýrsluna á rafrænu formi hér á síðunni.

Lesa meira

Á leidretting.is hefur Ríkisskattstjóri opnað vefsíðu þar sem nú er hægt að sækja um leiðréttingu á höfuðstól verðtryggðra húsnæðislána. Á sömu síðu verður opnað fyrir umsóknir um ráðstöfun séreignarsparnaðar inn á fasteignalán innan skamms. LSR hvetur sjóðfélaga til að leita þangað varðandi frekari upplýsingar og sækja um fyrir lok umsóknarfrestsins.

Lesa meira

Á fyrsta ársfjórðungi 2014 framkvæmdi Fjármálaeftirlitið athugun á því hvort fjárfestingar Lífeyrissjóðs hjúkrunarfræðinga væru í samræmi við gildandi lög og fjárfestingarheimildir.

Það er ánægjulegt frá því að segja að Fjármálaeftirlitið gerði engar athugasemdir við fjárfestingar lífeyrissjóðsins.

Lesa meira

Á liðnu ári framkvæmdi Fjármálaeftirlitið umfangsmikla könnun á starfsemi LSR, en því ber samkvæmt lögum að hafa eftirlit með því að starfsemi lífeyrissjóða sé í samræmi við ákvæði laga og reglna sem um lífeyrissjóði gilda. Athugun FME tók m.a. til stjórnarhátta, fjárfestinga, áhættustýringar og upplýsingakerfa. Það er ánægjulegt frá því að segja að sjóðurinn kom almennt vel út úr þessari skoðun.

Lesa meira

Ávöxtun eigna LSR á árinu 2013 var mjög góð. Nafnávöxtun sjóðsins var 10,4% sem svarar til 6,5% hreinnar raunávöxtunar. Meðaltal hreinnar raunávöxtunar LSR síðustu fimm árin er 4,5%. Tekjur af fjárfestingarstarfsemi á árinu 2013 voru 46,3 milljarðar króna og heildareignir LSR voru 485 milljarðar króna í árslok 2013.

Lesa meira

Ávöxtun eigna LH á árinu 2013 var mjög góð. Nafnávöxtun var 11,4% á árinu sem svarar til 7,3% hreinnar raunávöxtunar. Meðaltal hreinnar raunávöxtunar LH síðustu fimm árin er 4,5%. Tekjur af fjárfestingarstarfsemi voru 2,8 milljarðar króna og heildareignir LH í árslok 2013 námu 26 milljörðum króna.

Lesa meira

Síðastliðið haust fjallaði þátturinn Kastljós í Sjónvarpinu um málefni framtakssjóðsins Brú II, þar sem nokkrir af stærstu lífeyrissjóðum landsins eru hluthafar, auk fleiri aðila. Þar komu fram ýmsar ávirðingar um rekstur sjóðsins, auk þess sem vakin var athygli á deilumálum milli hluthafa og kröfuhafa í einstökum félögum sem Brú II hefur fjárfest í eða dótturfélögum þeirra. Í kjölfar þessarar umfjöllunar óskuðu lífeyrissjóðirnir eftir því að gerð yrði ítarleg innri endurskoðun á öllum þáttum í rekstri sjóðsins og að niðurstöður úr slíkri skýrslu yrðu gerðar opinberar.

Lesa meira

LSR hefur nú lokið skilum á launamiðum til RSK. Skil á launamiðum nær til allra sjóðfélaga sem fengu lífeyrisgreiðslur á árinu 2013 úr A- og B-deild LSR, LH, Séreign LSR og ESÚÍ – Eftirlaunasjóði starfsmanna Útvegsbanka Íslands.

Lesa meira

Þann 1. janúar síðastliðinn tóku gildi ný lög um stimpilgjald. Samkvæmt lögunum eru skuldabréf ekki lengur stimpilskyld. Lántakar þurfa því nú ekki að greiða stimpilgjald við töku sjóðfélagalána eða í þeim tilvikum þegar vanskil eru lögð við höfuðstól. Á vef Alþingis er hægt að nálgast lögin í heild sinni.

Lesa meira

Alþingi hefur samþykkt að framlengja tímabundna heimild til úttektar á séreignarsparnaði til 1. janúar 2015 ásamt því að hækka heildarfjárhæðina úr 6.250.000 kr. í 9.000.000 kr. Miðast heimildin við stöðu á séreignarsparnaði þann 1.1.2014.

Lesa meira