Hámarksfjárhæð lána hækkuð í 75 milljónir króna
Sjóðfélagar geta nú fengið fasteignalán að fjárhæð allt að 75.000.000 kr. hjá LSR, en áður var hámarksfjárhæðin 50.000.000 kr.
LSR kemur þar með til móts við óskir sjóðfélaga, en nokkuð hefur verið kallað eftir því að hægt sé að fá lán umfram 50 milljónir króna hjá sjóðnum.
Hámarksveðhlutfall er áfram 70% af fasteignamati eða söluverði fasteignar samkvæmt kaupsamningi. Lágmarksfjárhæð láns verður áfram 1.000.000 kr.
Rétt er líka að minna á að ekkert uppgreiðslugjald er af fasteignalánum LSR, auk þess sem ávallt er hægt að greiða inn á höfuðstól án uppgreiðslugjalds. Hér má finna nánari upplýsingar um fasteignalán LSR og í lánareiknivélinni má reikna út greiðslubyrði á mánuði.