LSR hlýtur viðurkenningu Jafnvægisvogarinnar
LSR hlaut í gær viðurkenningu Jafnvægisvogarinnar, hreyfiaflsverkefnis FKA, ásamt 15 öðrum fyrirtækjum og 2 sveitarfélögum. Viðurkenning jafnvægisvogarinnar var veitt í fyrsta sinn núna en í fyrra skrifuðu rúmlega 50 fyrirtæki undir viljayfirlýsingu um að beita sér fyrir auknu kynjajafnvægi innan sinna vébanda og vinna að markmiðum jafnvægisvogar FKA næstu 5 árin.
Tilgangur jafnvægisvogarinnar er m.a. að auka á jafnvægi kynja í efsta lagi stjórnunar fyrirtækja í íslensku viðskiptalífi með það að markmiði árið 2027 verði hlutfallið milli kynja 40/60 í framkvæmdastjórnum fyrirtækja á Íslandi. Jafnvægisvogin er hreyfiaflsverkefni FKA unnið í samstarfi með forsætisráðuneytinu, Sjóvá, Deloitte, Morgunblaðinu og Pipar/TBWA.
Viðurkenningar voru afhentar á ráðstefnunni Jafnrétti sem fór fram á Grand Hóteli í gær og tók Harpa Jónsdóttir framkvæmdastjóri LSR við viðurkenningunni fyrir hönd LSR.
Hulda Jakobsdóttir og Harpa Jónsdóttir ásamt forsetafrú Íslands Elizu Reid.
Á vef Viðskiptablaðsins má lesa frétt um efnið.
Á vef FKA má auk þess sem finna má frekari upplýsingar um um Jafnvægisvogina.