LSR hefur átt samtal við forsvarsmenn Haga hf. í kjölfar þess að nýstofnað dótturfélag þess hefur hafið sölu áfengis í gegnum netverslun sem þjónustuð er af verslunum Hagkaups.

Íslenska lífeyriskerfið er metið það næstbesta í heimi í alþjóðlegri lífeyrisvísitölu sem gefin er úr árlega af ráðgjafafyrirtækinu Mercer og samtökunum CFA Institute. Þetta er í fjórða sinn sem lífeyriskerfið á Íslandi er þátttakandi í mælingunni og hefur íslenska kerfið alltaf verið metið í fyrsta eða öðru sæti.

LSR hlaut í gær viðurkenningu Jafnvægisvogarinnar í fimmta sinn þegar hún var veitt við hátíðlega athöfn í Háskóla Íslands. Jafnvægisvogin er veitt fyrirtækjum og stofnunum sem uppfylla markmið verkefnisins um 40/60 kynjahlutfall meðal stjórnenda.

Launagreiðendavefur hefur nú verið uppfærður og nýtt umboðsmannakerfi tekið upp, en það var gert vegna lokunar innskráningarþjónustu og umboðsmannakerfis Ísland.is.

Stórt skref var stigið í sjálfbærnivegferð LSR í sumar þegar Heiðrún Hödd Jónsdóttir var ráðin í nýja stöðu sérfræðings í sjálfbærnimálum hjá sjóðnum. Heiðrún mun leiða framkvæmd á sjálfbærnistefnu sjóðsins, sem nær bæði til fjárfestinga sjóðsins og innri starfsemi hans.

Frá og með 30. ágúst hækka vextir á nýjum verðtryggðum fasteignalánum LSR um 0,2 prósentustig. Engar breytingar verða á óverðtryggðum lánum.

LSR hefur fengið endurnýjaða jafnlaunavottun fyrir starfsemi sjóðsins, sem gildir í þrjú ár, til ársins 2027. Sjóðurinn hlaut jafnlaunavottun í fyrsta sinn árið 2021.

Ársskýrsla LSR fyrir árið 2023 er komin út og er aðgengileg hér á vefnum. Í ársskýrslunni er fjallað um rekstur og starfsemi sjóðsins á síðasta ári, en jákvæð raunávöxtun var hjá öllum sameignar- og séreignardeildum LSR.  

Ársfundur LSR 2024 var haldinn þriðjudaginn 7. maí kl. 15:00 á Hilton Reykjavík Nordica. Hér má finna upptöku frá fundinum.

Ársfundur LSR verður haldinn kl. 15:00 þriðjudaginn 7. maí næstkomandi á Hilton Reykjavík Nordica, Suðurlandsbraut 2. Fundurinn verður opinn öllum sjóðfélögum og launagreiðendum.

Jákvæð raunávöxtun var á öllum sameignar- og séreignardeildum LSR á árinu 2023 og skilaði sjóðurinn í heild 9,2% nafnávöxtun, sem samsvarar 1,1% raunávöxtun. Eignir jukust um 112 milljarða króna á árinu og var heildareign sjóðsins 1.405 milljarðar í árslok.

Vextir óverðtryggðra lána LSR lækka um 0,2 prósentustig, úr 9,7% í 9,5%, frá og með föstudeginum 12. apríl 2024. Vextir óverðtryggðra sjóðfélagalána hjá LSR eru fastir í 36 mánuði í senn.

Frá og með mánaðarmótunum mars/apríl mun LSR hætta útsendingu launaseðla á pappír. Þess í stað verða launaseðlar birtir rafrænt á Mínum síðum á lsr.is.

Vextir óverðtryggðra lána LSR lækka um 0,2 prósentustig, úr 9,9% í 9,7% frá og með fimmtudeginum 29. febrúar 2024. Vextir óverðtryggðra sjóðfélagalána hjá LSR eru fastir í 36 mánuði í senn.

LSR hefur uppfært sjóðfélagavef sinn, Mínar síður, með það fyrir augum að gera hann einfaldari og þægilegri í notkun. Upplýsingagjöf er skýrari auk þess sem ýmsar aðgerðir og nýjungar eru nú í boði sem ekki voru á eldri sjóðfélagavef.

Nú fer í hönd tími aðalfunda hjá skráðum félögum þar sem m.a. er kjörið í stjórnir þeirra. Harpa Jónsdóttir, framkvæmdastjóri LSR, skrifar af þessu tilefni grein í Innherja í dag þar sem hún ræðir vinnulag tilnefningarnefnda og möguleika hluthafa á að kjósa í stjórnir félaganna.

LSR auglýsir nú tvær spennandi stöður lausar til umsóknar. Annars vegar leitum við að sérfræðingi á fjármálasviði og hins vegar að sjóðsstjóra í teymi erlendra fjárfestinga á eignastýringarsviði.

LSR hefur ásamt 11 öðrum lífeyrissjóðum gert samkomulag við fjármála- og efnahagsráðherra um greiðslur vaxta og verðbóta af húsnæðislánum Grindvíkinga.

LSR leitar að metnaðarfullum og skipulögðum einstaklingi til að leiða framkvæmd á sjálfbærnistefnu sjóðsins. Starfið er víðtækt og nær til fjölbreyttra sjálfbærniverkefna sem tengjast fjárfestingum og rekstri sjóðsins.

LSR hefur nú lokið skilum á launamiðum eftirlauna- og lífeyrisþega til Skattsins. Skil á launamiðum ná til allra sjóðfélaga sem fengu eftirlauna- eða lífeyrisgreiðslur á árinu 2023 og er hægt að nálgast upplýsingarnar með innskráningu á vef Skattsins.