Ég get ekki séð að lífeyrissjóðakerfi landsmanna verði bitbein í kjarasamningum og því síður að draga eigi lífeyrissjóði beinlínis inn í baráttu um kaup og kjör, segir Haukur Hafsteinsson, framkvæmdastjóri LSR, m.a. í áhugaverðu viðtali við Lífeyrismál.is.

Síðastliðinn föstudag var undirritaður samningur um að Ernst & Young annist endurskoðun á ársreikningi LSR. Hjá Ernst & Young starfar fjöldi reynslumikilla endurskoðenda og sérfræðinga, sem m.a. hafa komið að endurskoðun hjá lífeyrissjóðum, fjármálafyrirtækjum og stéttarfélögum.

Sérstakt iðgjald er greitt í A-deild af launagreiðendum sem ekki eru einkanlega fjármagnaðir með skatttekjum, lögbundnum þjónustutekjum eða framlögum til þess að starfsmenn þeirra haldi jafnri ávinnslu réttinda og 65 ára lífeyristökualdri. Frá og með 1. janúar 2019 hækkar sérstaka iðgjaldið úr 5,85% í 5,91%. Samtals verður þá iðgjald launagreiðanda 17,41%.

Útsending sjóðfélagayfirlita í A-deild og Séreign LSR stendur yfir þessa dagana. Allir greiðandi sjóðfélagar, sem ekki hafa afþakkað yfirlit á pappír, fá sent yfirlit í pósti með upplýsingum um iðgjaldagreiðslur á fyrri hluta ársins 2018.

Þann 1. september sl. tóku gildi breytingar á samþykktum LSR er varða A-deild sjóðsins. Geta sjóðfélagar nú tekið hálfan lífeyri frá og með þeim tíma.

Útliti réttindahluta á sjóðfélagavef LSR hefur nú verið breytt. Áfram er hægt að sækja upplýsingar um lífeyrisréttindi, greidd iðgjöld, áætlaðan lífeyri og launaseðla. Útliti á Lífeyrisgáttinni hefur einnig verið breytt og má þar áfram sjá lífeyrisréttindi og upphæðir í þeim samtryggingarsjóðum sem greitt hefur verið í yfir starfsævina.

Vegna starfsdags föstudaginn 1. júní 2018 verður starfsemi LSR í lágmarki frá kl. 12:00. Við biðjumst velvirðingar á þeim óþægindum sem þetta kann að valda og bendum á að upplýsingar, eyðublöð og fleira má finna hér á vef LSR.

Senda má fyrirspurnir á netfangið lsr@lsr.is. Fyrirspurnum og skilaboðum verður svarað strax eftir helgina.

Árlega heldur LSR kynningarfundi fyrir virka sjóðfélaga A- og B-deild LSR í húsnæði LSR að Engjateigi 11.

Tilgangur fundanna er að fræðast um lífeyrismál; um uppbyggingu réttindakerfisins, iðgjaldaskil, lífeyristökualdur og áætlaðar lífeyrisgreiðslur.

Ársfundur LSR og LH verður haldinn í dag miðvikudaginn 23. maí kl. 15 á Hilton Reykjavík Nordica, Suðurlandsbraut 2. Fundurinn er opinn öllum sjóðfélögum og launagreiðendum.

Á fundinum verður gerð grein fyrir skýrslum stjórna LSR og LH, ársreikningi, tryggingafræðilegri úttekt, skuldbindingum launagreiðenda, fjárfestingarstefnu og breytingum á samþykktum.

Árleg útsending sjóðfélagayfirlita í A-deild, B-deild og Séreign LSR stendur yfir þessa dagana. Allir greiðandi sjóðfélagar, sem ekki hafa afþakkað yfirlit á pappír, fá sent yfirlit í pósti með upplýsingum um iðgjaldagreiðslur ársins 2017. Mjög mikilvægt er að bera saman upplýsingar um greidd iðgjöld og launaseðla. Vanti innborganir þá skal hafa samband við launagreiðanda eða LSR.

Afkoma LSR var góð á árinu 2017 en tekjur af fjárfestingum sjóðsins námu 55,4 milljörðum króna. Nafnávöxtun LSR var 7,6% sem svarar til 5,6% hreinnar raunávöxtunar. Meðaltal hreinnar raunávöxtunar LSR síðustu fimm árin var 5,6%. Heildareignir LSR voru 799 milljarðar króna í árslok 2017.

LSR heldur kynningar- og samráðsfundi fyrir sjóðfélaga á lífeyri og maka þeirra á ári hverju.
Fundur ársins 2018 verður haldinn 24. apríl n.k. kl. 14:00 á hótel Hilton Reykjavík Nordica og er opinn öllum sjóðfélögum á lífeyri.

Tryggingastofnun er samskiptastofnun við hliðstæðar stofnanir í öðrum ríkjum sem Ísland hefur samning við um gagnkvæmar lífeyristryggingar. Allar umsóknir á EES-svæðinu eru milli þessara stofnana og samskiptin eiga sér stað á stöðluðum eyðublöðum á tungumáli þess lands sem erindin sendir.

Greinina má finna á vef lífeyrismál.is.

Íslandspóstur hefur nú breytt dreifingarfyrirkomulagi á bréfpósti í þéttbýli en í því felst að dreifingardögum bréfapósts fækkar. Þetta mun hafa áhrif á það hvenær útsendur póstur frá LSR berst til viðtakanda.

LSR hvetur sjóðfélaga til að sækja upplýsingar um lán og lífeyrisréttindi með rafrænum hætti á sjóðfélagavef LSR og launagreiðendur til að nýta nýjan launagreiðendavef LSR.

LSR hefur nú lokið skilum á lífeyrismiðum til RSK. Skil á lífeyrismiðum nær til allra sjóðfélaga sem fengu lífeyrisgreiðslur á árinu 2017 úr A- og B-deild LSR, Séreign LSR, LH og ESÚÍ – Eftirlaunasjóði starfsmanna Útvegsbanka Íslands. 

Í gær var staðfest samkomulag milli Fjármála- og efnahagsráðuneytisins og LSR um framsal eigna fyrir 19 milljarða króna. Eignirnar voru hluti af svonefndum stöðugleikaframlögum fallinna fjármálafyrirtækja. Þær eru framseldar til sjóðsins sem innborgun inn á skuldbindingar ríkissjóðs gagnvart B-deild LSR. Kemur þessi innborgun sem viðbót við 5 milljarða króna innborgun frá ríkinu inn á skuldbindingar gagnvart B-deild sjóðsins á árinu 2017.

Von er á reglugerð frá félags- og jafnréttismálaráðherra um sveigjanlega töku ellilífeyris og heimilisuppbótar sem á sér stoð í breyttum lögum um almannatryggingar nr. 100/2017. Þar er kveðið á um heimild til greiðslu hálfs ellilífeyris til handa þeim sem náð hafa 65 ára aldri og eiga rétt á ellilífeyri úr skyldubundnum lífeyrissjóðum.