Skrifstofa LSR mun opna að nýju mánudaginn 14. september 2020 kl. 9:00. Eftir sem áður geta sjóðfélagar nýtt sér stafrænar lausnir til samskipta og til að koma gögnum til skila. Vel hefur gengið að leysa mál í gegnum síma og tölvupóst og er full ástæða til að hvetja sjóðfélaga til að nýta sér þær leiðir áfram.

Please find information in English below.

Vegna hertra COVID-19 sóttvarnaraðgerða verður áfram takmörkuð þjónusta á skrifstofu LSR. Hægt verður að afhenda og sækja gögn en ekki verður boðið upp á viðtöl hjá þjónusturáðgjöfum. Starfsfólk mun áfram sinna verkefnum og þjónustu við sjóðfélaga en gera má ráð fyrir því að afgreiðsla mála kunni að lengjast lítillega. Beðist er velvirðingar á þeim óþægindum sem það kann að valda.

Please find information in English below.

Vegna sóttvarna verður takmörkuð þjónusta hjá LSR vikuna 27.-31. júlí. Hægt verður að afhenda og sækja gögn en ekki verður boðið upp á viðtöl hjá þjónustufulltrúum. Gert er ráð fyrir að opna afgreiðsluna aftur þriðjudaginn 4. ágúst. Starfsfólk mun áfram sinna verkefnum og þjónustu við sjóðfélaga en gera má ráð fyrir því að afgreiðsla mála kunni að lengjast lítillega. Beðist er velvirðingar á þeim óþægindum sem það kann að valda.

Fjármálaeftirlit Seðlabanka Íslands (FME) birti þann 15. júlí gagnsæistilkynningu þess efnis að fjárfesting Lífeyrissjóðs starfsmanna ríkisins (LSR) í tveimur sjóðum um sameiginlega fjárfestingu hafi farið yfir lögbundið hámark mótaðilaáhættu sbr. 7. mgr. 36. c. laga nr. 129/1997. Af þessu tilefni vill LSR koma eftirfarandi á framfæri.

Vegna starfsdags þriðjudaginn 23. júní 2020 verður starfsemi LSR í lágmarki þann dag. Við biðjumst velvirðingar á þeim óþægindum sem þetta kann að valda og bendum á að hægt er að nálgast flestar upplýsingar um lífeyrisréttindi og lán á Mínum síðum á vef LSR. Að auki er hægt að sækja um lífeyri og skila inn eyðublöðum þar í gegn með rafrænum skilríkjum í síma. Erindi og fyrirspurnir, lánaumsóknir og fylgigögn er hægt að senda með tölvupósti á netfangið lsr@lsr.is.

Styrkleikar eignasafna LSR komu fljótt í ljós þegar áhrifa vegna Covid-19 faraldursins fór að gæta á verðbréfamörkuðum heimsins. Fjárfestingarstefnur deilda LSR leggja línurnar fyrir góða dreifingu eigna, bæði dreifingu á ólíka eignaflokka verðbréfa og innlenda og erlenda markaði sem dró verulega úr sveiflum á ávöxtun.

Árleg útsending sjóðfélagayfirlita í A-deild, B-deild og Séreign LSR stendur yfir þessa dagana. Allir greiðandi sjóðfélagar, sem ekki hafa afþakkað yfirlit á pappír, fá sent yfirlit í pósti með upplýsingum um iðgjöld greidd á árinu 2019. Mjög mikilvægt er að bera saman upplýsingar um greidd iðgjöld og launaseðla. Vanti innborganir þá skal hafa samband við launagreiðanda eða LSR. Mínar síður á vef LSR sýna upplýsingar um iðgjaldagreiðslur og réttindi og þar má alltaf sjá nýjustu stöðu.

Ársskýrsla LSR fyrir árið 2019 er komin út og er hún aðgengileg hér á vef LSR. Á ársfundi LSR sem haldinn verður í dag, fimmtudaginn 4. júní 2020 verður farið yfir efni úr skýrslum stjórnar LSR, ársreikningum, tryggingafræðilegum úttektum, skuldbindingum launagreiðenda og fjárfestingarstefnu.

Ársfundur LSR hefst kl. 15, á Hilton Reykjavík Nordica, Suðurlandsbraut 2. Fundurinn er opinn öllum sjóðfélögum og launagreiðendum.

Skrifstofa LSR mun opna að nýju þriðjudaginn 2. júní 2020 kl. 9:00. Eftir sem áður geta sjóðfélagar nýtt sér stafrænar lausnir til samskipta og til að koma gögnum til skila. Vel hefur gengið að leysa mál í gegnum síma og tölvupóst í samkomubanni vegna COVID-19 og er full ástæða til að hvetja sjóðfélaga til að nýta sér þær leiðir áfram.

Ársfundur LSR verður haldinn fimmtudaginn 4. júní 2020, kl. 15, á Hilton Reykjavík Nordica, Suðurlandsbraut 2. Fundurinn er opinn öllum sjóðfélögum og launagreiðendum.

Afkoma á árinu 2019 var afar góð og ein sú besta í sögu LSR. Það var einkar ánægjulegt í ljósi þess að sjóðurinn fagnaði 100 ára afmæli sínu á árinu. Nafnávöxtun sjóðsins var 16,6% sem svarar til 13,4% hreinnar raunávöxtunar. 

LSR hefur tekið í notkun sjálfvirkt greiðslumat í samstarfi við Creditinfo. Niðurstöður greiðslumatsins eru reiknaðar út á sjálfvirkan hátt og byggjast á þeim upplýsingum sem sóttar eru samkvæmt umboði sem lánsumsækjandi veitir. Greiðslumatið er einfalt í notkun og tekur stuttan tíma.

Alþingi hefur samþykkt lög þar sem kveðið er á um tímabundna heimild til úttektar séreignarsparnaðar vegna COVID-19.

Félag íslenskra heimilislækna áætlar að erfitt verði að afgreiða beiðnir um ný læknisvottorð næstu þrjá mánuði vegna álags hjá heilsugæslum landsins. LSR mun því fresta endurmati á örorku næstu 3 mánuði hjá lífeyrisþegum sem ekki geta útvegað nýtt læknisvottorð.

Lántökum hjá LSR býðst að fresta greiðslum á lánum sínum hjá LSR. Lántökum stendur til boða að fresta greiðslum á afborgunum af höfuðstól, vöxtum og verðbótum og er greiðslubyrði þá felld niður að öllu leyti tímabundið. Einnig geta lántakar sótt um að fresta greiðslum á afborgunum af höfuðstól en greiða áfram vexti og verðbætur og er greiðslubyrði þá felld niður að hluta tímabundið.

Í samræmi við tilkynningu stjórnvalda um mótvægisaðgerðir vegna COVID-19 liggur nú fyrir Alþingi frumvarp þar sem m.a. er kveðið á um sérstaka heimild til úttektar á séreignarsparnaði. Nánari upplýsingar um þessa heimild verða settar á vef sjóðsins þegar Alþingi hefur lokið meðferð sinni á frumvarpinu og sett lög liggja fyrir.

Afgreiðsla LSR verður lokuð frá og með mánudeginum 16. mars en starfsfólk mun áfram sinna verkefnum sínum og þjónustu við sjóðfélaga.

For information in English, click here .

Í ljósi þess að ríkislögreglustjóri í samráði við sóttvarnarlækni hefur lýst yfir neyðarstigi almannavarna vegna kórónaveiru COVID-19, hvetur LSR viðskiptavini til þess að nýta rafræn samskipti og símaþjónustu í stað þess að koma í afgreiðsluna að Engjateigi 11.

Vakin er athygli á því að vegna tæknilegra örðugleika hefur greiðsluþjónusta fallið niður vegna LSR lána. Það sama á við um þau LSR lán sem voru skráð með sjálfvirka skuldfærslu.

Uppfært: Versta veðrið er nú að ganga niður og opnar skrifstofa sjóðsins því kl. 13 í dag föstudaginn 14. febrúar.

Þar sem rauð veðurviðvörun hefur verið gefin út fyrir höfuðborgarsvæðið mun LSR ekki opna kl. 9 föstudaginn 14. febrúar. Fylgst verður með veðri og veðurspám og metið á hádegi hvort opnað verði þegar veður lægir.

Beðist er velvirðingar á þeim óþægindum sem þetta kann að valda.

Stutt samantekt frá 100 ára morgunverðarfundi LSR sem haldinn var á Reykjavík Hilton Nordica 28. nóvember 2019. 

LSR hefur nú lokið skilum til RSK á lífeyrismiðum þeirra sjóðfélaga sem fengu lífeyrisgreiðslur á árinu 2019 auk þess sem öll lán lífeyrissjóðsins eru nú forskráð inn á sundurliðunarblaðið í skattframtalinu.

Neytendastofa hefur birt ákvörðun sína vegna breytinga á vöxtum verðtryggðra sjóðfélagalána LSR.

Þann 31. maí 2019 tilkynnti LSR á vef sínum að breytilegir vextir verðtryggðra sjóðfélagalána myndu framvegis breytast samkvæmt ákvörðun stjórnar hverju sinni og taka mið af þróun verðtryggðra vaxta á markaði. Um var að ræða verðtryggða breytilega vexti sjóðfélagalána vegna skuldabréfa sem gefin voru út fyrir 15. janúar 2019.